ගුවන් හමුදා ගොඩබිම් සටන් පුහුණු පාසලේ භටයින් විසින් නායයාම නිසා වැසුණු දුම්රිය මාර්ගය පිලිසකර කරයි
11:42am on Wednesday 8th January 2020
නායයාම නිසා වැසුණු ඇල්ලේතොට ප‍්‍රදේශයේ දුම්රිය මාර්ගය පිරිසිදු කොට පිලිසකර කිරීම සඳහා දියතලාව ගුවන් හමුදා ගොඩබිම් සටන් පුහුණු පාසලෙන් ගුවන් හමුදා භට කණ්ඩායමක් එම ප‍්‍රදේශය වෙත පිටත්කර හරින ලදී. දුම්රිය දෙපාර්තමේන්තුව විසින් කරන ලද ඉල්ලීමකට අනුව එම ප‍්‍රදේශයට පිටත් කරන හරින ලද දසදෙනෙකුගෙන් සමන්විත වූ මෙම කණ්ඩායමේ ප‍්‍රධානියා වශයෙන් ෆ්ලයින් ඔෆිසර් කහල්ල කටයුතු කරන ලදී. ඉතා කෙටි කාලයකින් පිරිසිදු කිරීමේ කටයුතු සිදුකර නැවත දුම්රිය ගමනාගමනයට මාර්ගය සකසා දීම සිදුකරන ලදී.
