airforce_logo
SRI LANKA AIR FORCE
GUARDIANS OF THE SKIES

ශ්‍රී ලංකා ගුවන් හමුදා ගුවන් විරුවන් හට වීර පදක්කම් ප්‍රදානය කෙරේ

Published on: 2016-11-23 17:03:55
ශ්‍රී ලංකා ගුවන් හමුදා ගුවන් විරුවන් හට වීර පදක්කම් ප්‍රදානය කෙරේ
දශක තුනක ත්‍රස්තවාදය අපගේ මාතෘ භමියෙන් මූලින් උපුටා දැමීමෙි සංග්‍රාමයේදී තම රණශූර බව සපථලා වූ ගුවන් හමුදා සාමාජිකයන් හට වීර පදක්කම් පිරිනැමීමේ  අභිමානවත් උත්සවය ගුවන් හමුදාධිපති එයාර් මාර්ෂල් කපිල ජයම්පති මැතිතුමාගේ ප්‍රධානත්වයෙන් 2016 නොවැම්බර් මස 22 වන දින පස්වරුවේ ශ්‍රී ලංකා ගුවන් හමුදා කටුනායක ඊගල්ස් ලැගූන් වීව් උත්සව ශාලාවේ දී අති උත්කර්ෂවත් අන්දමින් පැවැත්විණ.

මෙම උත්සවයේදි පළමුව මව්බිමේ භෞමික අඛණ්ඩතාව හා ස්වෛරීභාවය රැක ගැනීම වෙනුවෙන් දිවිපිදූ විරුවන් සිහි කිරීමෙන් අනතුරුව ආරම්භ කරන ලද අතර මෙහිදී 2009 මැයි මසට පෙර පැවති මානුෂීය මෙහෙයුමේදී උතුරු හා නැගෙනහිර සිදු කරනු ලැබූ මානුෂීය මෙහෙයුම් වලදී පුද්ගලිකව දක්වන ලද ක්‍රියාවන් හා දක්ෂතාවයන් අගයමින් ගුවන් හමුදා නිළධාරීන් හා ගුවන් භටයින් 54 දෙනෙකු සදහා රණ ශූර පදක්කම (ආර් එස් පී) ප්‍රදානය කිරීම ගුවන් හමුදාධිපතිතුමන් විසින් සිදු කරන ලදී.

මෙම උත්සව අවස්ථාවේ ප්‍රධාන ආරාධිත අමුත්තා වශයෙන් ගුවන් හමුදාධිපති එයාර් මාර්ෂල් කපිල ජයම්පති මහතා සහභාගී වූ අතර ගුවන් හමුදා අධ්‍යක්ෂක මණ්ඩලය, නිළධාරීන්, සෙසු නිළයන්, මියගිය රණවිරුවන්ගේ පවුල්වල සාමාජිකයින්, ආබාධිත රණවිරුවන් ඇතුලු විශාල පිරිසක් ද මෙම අවස්ථාවට සහභාගී විය.

මෙම පදක්කම් ප්‍රදානයේ පළමු අදියරය ලෙස ආරක්ෂක හමුදා සාමාජිකයන් 300 දෙනෙකු හට පදක්කම් ප්‍රදානය කිරීමේ උත්සවය 2016 ඔක්තෝබර් මස 27 වන දින අතිගරු ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැති අතර එහිදී ගුවන් හමුදා සාමාජිකයින් 11දෙනෙකු රණ වික්‍රම පදක්කම ලබාගත් අතර 21 දෙනෙකු රණශූර පදක්කම ලබාගන්නා ලදී.

 
EVENTS
  • Air_Symposium
  • Air_Symposium
  • Air_Symposium
  • Air_Symposium
join-air-force
SERVICES
helitours
eagles-bay-view
china_bay
eaglesgolf-anuradhapura
lagoonview
marblebeach
material-laboratory
eagles-bay-view
souvenir-shop
Copyright @ 2017 - Sri Lanka Air Force Information Technology Unit. All rights reserved