airforce_logo
SRI LANKA AIR FORCE
GUARDIANS OF THE SKIES

ශ්‍රී ලංකා ගුවන් හමුදාව ඉතා අභිමානවත් අන්දමින් 69 වැනි ජාතික නිදහස් දින පෙළපාලියට සහභාගී වෙයි

Published on: 2017-02-07 11:21:33
ශ්‍රී ලංකා ගුවන් හමුදාව ඉතා අභිමානවත් අන්දමින් 69 වැනි ජාතික නිදහස් දින පෙළපාලියට සහභාගී වෙයි
ශ්‍රී ලංකා 68 වැනි ජාතික නිදහස් දින සැමරුම අද (2017 පෙබරවාරි 04) වන දින අති උත්කර්ෂවත් අන්දමින් කොළඹ ගාලූ මුවදොර පිටියේදී පැවැත්විණ.

ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපති මෛත්‍රීපාල සිරිසේන මැතිතුමන් සහ එම මැතිණියගේ සහභාගීතවයෙන් ඉතා උත්කර්ෂවත් ලෙස පැවැත්වුණු මෙම ඓතිහාසික අවස්ථාවට අග්‍රාමාත්‍යතුමන්, කථානායකතුමන්, බස්නාහිර පළාත් ආණ්ඩුකාරතුමන්, අග්‍රවිනිශ්චයකාරතුමන්, මැති ඇමතිවරුන්, ත්‍රිවිධ හමුදාපතිවරුන් සහ පොලිස්පති, රාජ්‍ය ලේකම්වරුන්, රාජ්‍ය තාන්ත්‍රිකයින් ඇතුලු ආරාධිතයින් විශාල පිරිසක් ද විවිධ ආගමික පූජකතුමන්ලා සහ විවිධ රටවල තානාපතිවරුන් ඇතුලු වීශාල ප්‍රේක්ෂකයින් පිරිසක් ද සහභාගී විය.

අතිගරු ජනාධිපතිතුමන් විසින් මගුල් බෙර හා සක් හඩ මධ්‍යයේ ජාතික කොඩිය ඔසවමින් උත්සවයේ වැඩ කටයුතු ආරම්භ කල අතර ඉන්පසුව  ත්‍රිවිධ හමුදාපතිවරුන්, පොලිස්පතිතුමන් රැදී සිටි විශේෂ පීඨිකාව ඉදිරිපස සිට පාසල් සිසුවියන් 25 දෙනෙකු විසින් ජාතික ගීය සහ තෙරුවන්ගේ අශිර්වාදය ප්‍රාර්ථනා කරමින් "ජය මංගල ගාථා" සහ "දේවෝ වස්සතු කාලේන"  යන කවි පන්තිය ද ගායනා කරන ලදී.

අනතුරුව සන්නද්ධ හමුදාවන් විසින් පැවැත්වූ ආචාර වෙඩිමුර 21 න් පසු අතිගරු ජනාධිපතිතුමන් විසින් ජාතිය අමතා කථා කරන ලදී.

ශ්‍රී ලංකා ගුවන් හමුදාවේ ගුවන්යානා ආචාර පෙළපාලියේ සම්බන්ධීකාරක ලෙස එයාර් වයිස් මාර්ෂල් සුදර්ශන පතිරණ කටයුතු කරනු ලැබූ අතර එහි මගපෙන්වන්නා ලෙස එයාර් කොමඩෝර් ප‍්‍රසන්න පායෝ  ද ගුවන් යානා පාලන නිළධාරීන්  ලෙස විංග් කමාන්ඩර් සනත් ප‍්‍රනාන්දු හා ස්කොඩ්‍රන් ලීඩර් චානක මාල්ගස්පේ ද කටයුතු කරනු ලැබීය.  එම ගුවන්යානා පෙළපාලිය බෙල් 212 වර්ගයේ හෙලිකොප්ටර් යානයක්, බෙල් 412 වර්ගයේ හෙලිකොප්ටර් යානා 03ක්,  එම් අයි 17 වර්ගයේ ප්‍රවාහන හෙලිකොප්ටර් යානා 04ක්, සෙස්නා 150 වර්ගයේ ගුවන්යානා පහක්ද, වයි- 12 ගුවන් යානා යානා 04ක්, බීච් ක්‍රාෆ්ට් වර්ගයේ යානා 02ක්, සී- 130 වර්ගයේ යානයක්, ඇන්ටනෝව් 32 වර්ගයේ යානයක්, ඵ් 60 වර්ගයේ යානයක්, කේ-8 වර්ගයේ ජෙට් ගුවන් යානා 03ක්, කෆීර් ගුවන් යානාවක් සහ F7 වර්ගයේ ප්‍රහාරක ජෙට් යානාවක් ඇතුලළුව ගුවන් යානා 30 කින් සමන්විත විය.

සමස්ථ ගුවන් හමුදා ආචාර පෙළපාලියෙහි අණදෙන්නා ලෙස එයාර් කොමඩෝර් රවීන්ද්‍ර ලියනගමගේ කටයුතු කල අතර පෙළපාලි අණදෙන්නා ලෙස විංග් කමාණ්ඩර් රොශාන් ගුණවර්ධන කටයුතු කරන ලදී. ගුවන් හමුදා නිළධාරීන් 65 දෙනෙක්, නිළධාරීනියන් 05, ගුවන් භටයින් 954 දෙනෙක් සහ ගුවන් කාන්තාවන් 101 දෙනෙකු  ජනාධිපතිතුමන්ට ආචාර කිරීම සදහා පෙළපාලියට එක්වීය.

 
EVENTS
  • Air_Symposium
  • Air_Symposium
  • Air_Symposium
join-air-force
Colombo Air Symposium-2017
SERVICES
helitours
eagles-bay-view
china_bay
eaglesgolf-anuradhapura
lagoonview
marblebeach
material-laboratory
eagles-bay-view
souvenir-shop
Copyright @ 2017 - Sri Lanka Air Force Information Technology Unit. All rights reserved