airforce_logo
SRI LANKA AIR FORCE
GUARDIANS OF THE SKIES

බංගලාදේශ ගුවන් හමුදා හොකී කණ්ඩායම ශ‍්‍රී ලංකා සංචාරය

Published on: 2017-05-16 08:55:35
බංගලාදේශ ගුවන් හමුදා හොකී කණ්ඩායම ශ‍්‍රී ලංකා සංචාරය
ශ්‍රී ලංකා ගුවන් හමුදාව සහ බන්ගලාදේශ ගුවන් හමුදාව අතර සහයෝගීතාවය වර්ධනය කරගැනීමේ අරමුණින් බන්ගලාදේශ ගුවන් හමුදා හොකී කණ්ඩායම පසුගියදා 2017 මැයි 14 වන දින දිවයිනට පැමිණියහ.

ස්කොඩ්රන් ලීඩර් එම්එම් කමල් මෙම කණ්ඩායමේ භාරව කටයුතු කරනු ලබන අතර ශ‍්‍රී ලංකා ගුවන් හමුදා හොකී සංචිතයේ නිළධාරීන් විසින් කටුනායක බණ්ඩාරනායක අන්තර්ජාතික ගුවන් තොටුපලේදී මෙම පිරිස හරසරින් පිළිගන්නා ලදී.
මෙසේ දිවයිනට පැමිණි බන්ගලාදේශ ගුවන් හමුදා හොකී කණ්ඩායම සහ ශ්‍රී ලංකා ගුවන් හමුදා හොකී කණ්ඩායම අතර ප්‍රදර්ශනාත්මක හොකී තරග දෙකක් කොළඔ 07 ක්‍රීඩා අමාත්‍යංශ ”ඇස්ට්‍රෝ ටර්ෆ්” කෘතිම හොකී ක්‍රීඩාංගනයේදී පැවැත්වීමට නියමිතය.

එහි පළමු තරඟය 2017 මැයි මස 15 වන දින පවත්වනු ලැබූ අතර ශ‍්‍රී ලංකා ගුවන් හමුදා කණ්ඩායම බංගලාදේශ ගුවන් හමුදා හොකී කණ්ඩායම 1-0 ලෙස පරදවා තරඟය ජයග්‍රහණය කරන ලදී.
 
බංගලාදේශ ගුවන් හමුදා හොකී කණ්ඩායමක් ශ‍්‍රී ලංකාවේ සංචාරය කරන ලද පළමු අවස්ථාව මෙය වන අතර මෙම සංචාරය ශ‍්‍රී ලංකා ගුවන් හමුදාව සහ බංගලාදේශ ගුවන් හමුදාව අතර සුහද සම්බන්ධතාවය මෙන්ම දෙරට අතර පවත්නා මිත‍්‍ර සම්බන්ධතාවය මනාව පිළිබිඹු කරවන අවස්ථාවක් වෙයි.

තරඟාවළියේ දෙවන තරඟය 2017 මැයි මස 18 වන දින ඇස්ට්‍රෝ ටර්ෆ් කෘතිම හොකී ක‍්‍රීඩාංගනයේදී පැවැත්වීමට නියමිතය.


 
EVENTS
  • Air_Symposium
  • Air_Symposium
  • Air_Symposium
join-air-force
Colombo Air Symposium-2017
SERVICES
helitours
eagles-bay-view
china_bay
eaglesgolf-anuradhapura
lagoonview
marblebeach
material-laboratory
eagles-bay-view
souvenir-shop
Copyright @ 2017 - Sri Lanka Air Force Information Technology Unit. All rights reserved