இலங்கை விமானப்படை
வானத்தில் பாதுகாவளர்கள்

දියතලාව ගුවන් හමුදා සටන් පුහුණු පාසලේ පිරිත් සජ්ජායනාවක් සහ දානමය පිංකමක්

Published on: 2018-02-06 10:24:35
දියතලාව ගුවන් හමුදා සටන් පුහුණු පාසලේ පිරිත් සජ්ජායනාවක් සහ දානමය පිංකමක්
දියතලාව ශ‍්‍රී ලංකා ගුවන් හමුදා සටන් පුහුණු පාසල මගින් ගුවන් හමුදා 67 වන සංවත්සරය උදෙසා සහ ගුවන් හමුදාවේ සේවයේ යෙදී සිටියදී දේශය වෙනුවෙන් තම ජීවිත පරිත්‍යාග කල, ආබාධිත තත්වයට පත්වූ ගුවන් හමුදා විරුවන් සහ ගුවන් හමුදාධිපතුමන් ඇතුළු ගුවන් හමුදාවේ සේවයේ නියුතු රණවිරුවන්, සහොදර හමුදාවන්ට සහ සියළුම රණවිරු පවුල්වල සාමාජික සාමාජිකාවන්ට සෙත් පතා සර්ව රාත‍්‍රික පිරිත් දේශනාවක් සහ දහවල් සංඝගත දානමය පිංකමක් පසුගිය පෙබරවාරි මස 01 වන දින අණදෙන නිළධාරී එයාර් කොමඩෝර් ඩබ්ඩබ්පීඩී ප‍්‍රනාන්දු ගේ ප‍්‍රධානත්වයෙන් සිදුකරන ලදී.

පිරිත් සක්‍ජ්ජායනාව සඳහා ස්වාමීන්වහන්සේලා වැඩම කරවීම සහ ධාතු කරඬුව වැඩම කිරීම අලංකාර දේශීය නර්තන අංගයන්ගෙන් සමන්විත පෙරහැරකින් සිදු කරන ලද අතර ඒ සඳහා ගුවන් හමුදා සේවා පුද්ගලයින් හා වෘත්තීය පුහුණු පාසලේ පුහුණුවන්නන් සහභාගී වූහ. ස්වාමීන්වහන්සේලා 66 නමක් විෂයෙහි දහවල් සංඝගත දක්‍ෂිනාව සිදුකරන ලදී. දියතලාව සටන් පුහුණු පාසලේ නිළධාරීන්, සෙසු නිළයන් සහ සිවිල් සේවක මහත්ම මහත්මීන් රැුසක් මෙම අවස්ථාවට සහභාගී වූහ.

நிகழ்ச்சிகள்
சேவைகள்
பதிப்புரிமை @ 2018 - இலங்கை விமானப்படையின் தகவல் தொழிநுட்ப பிரிவு. அனைத்து உரிமைகளும் பாதுகாக்கப்பட்டவை