இலங்கை விமானப்படை
வானத்தில் பாதுகாவளர்கள்

ගුවන් හමුදාවේ තවත් සමාජ සත්කාරයක්

Published on: 2011-05-19 13:12:23
ගුවන් හමුදාවේ තවත් සමාජ සත්කාරයක්
ශ්‍රී ලංකා ගුවන් හමුදාව මගින් මුල්ලේරියාව ප්‍රදේශයේ පිහිටි මානසික රෝහලේ වාට්ටු අංක 03හි අළුත්වැඩියාව හා එහි සිටින රෝගීන් හට පරිත්‍යාගයන් රැසක් ලබා දීමේ උත්සවයක් පසුගියදා මානසික රෝහල් පරිශ්‍රයේදී පැවැත්විණි.

ගුවන් හමුදා සේවා වනිතා ඒකකය මගින් 1985 වර්ෂයේ සිට පවත්වාගෙන එනු ලබන මෙම අංක 03 කාන්තා මානසික වාට්ටුවේ අළුත්වැඩියාව හා එහි සිටින රෝගීන් හට අත්‍යාවශ්‍ය ද්‍රව්‍යයයන් ලබා දීම, විනෝද උත්සවයන් හා විශේෂ ආහාර ලබා දීමක්ද මෙහිදී සිදු විය.

ගුවන් හමුදා සේවා වනිතා ඒකකය මගින් සංවිධානය කළ මෙම වැඩසටහන සඳහා සේවා වනිතා ඒකකයේ සභාපතිනි නීලිකා අබේවික්‍රම මහත්මිය ඇතුළුව ඒකකයේ අනෙකුත් සමාජිකාවන්ද මැයි මස 13 වන දින පැවැති මෙම උත්සවය සඳහා සහභාගි වූහ. තවද වාට්ටුව තුළ ගුවන් හමුදාවේ විශේෂ සංගීත සංදර්ශනයක්ද පවත්වන ලදී.

එසේම මානසික රෝහලේ අධ්‍යක්ෂවරයා වන වෛද්‍ය ජයාන් මෙන්ඩිස් විසින් මෙම පරිත්‍යාගයන් බාරගත් අතර, මෙතුමා ඇතුළු කාර්ය මණ්ඩලයද මෙම අවස්ථාවට සහභාගි වීම විශේෂත්වයකි.   



நிகழ்ச்சிகள்
  • Sinhala Tamil New Year
  • Jeewitayata Idadenna
  • SLAF Celebrates 68th Anniversary
  • Colombo Air Symposium 2019
சேவைகள்
பதிப்புரிமை @ 2017 - இலங்கை விமானப்படையின் தகவல் தொழிநுட்ப பிரிவு. அனைத்து உரிமைகளும் பாதுகாக்கப்பட்டவை