ගුවන් හමුදාපති එයාර් මාර්ෂල් බන්දු එදිරිසිංහ නිළධාරී තුමන් විසින් 2025 මාර්තු මස 28 වන දින ඉරණමඩු ගුවන් හමුදා කඳවුරේ වාර්ෂික පරීක්ෂණය සිදු කරන ලදී.

අංක 07 රසායනික ජීව විද්‍යාත්මක විකිරණ න්‍යෂ්ටික පුපුරණ ද්‍රව්‍ය මූලික පාඨමාලාවේ සහතික ප්‍රදානෝත්සවය 2025 මාර්තු මස 28 වන දින කටුනායක ගුවන් හමුදා කඳවුරේ අංක 49 රසායනික ජීව විද්‍යාත්මක විකිරණ න්‍යෂ්ටික පුපුරණ ද්‍රව්‍ය පක්ෂාංගයේදී කටුනායක ගුවන් හමුදා කඳවුරේ අණදෙන නිලධාරී එයාර් කොමඩෝර් ඒවී ජයසේකර නිළධාරීතුමන්ගේ ප්‍රධානත්වයෙන් පැවැත්විණි.

ගුවන් හමුදා කටුනායක කඳවුරේ උපකරණ සැපයීමේ සහ ගිණුම් ඒකකයේ අණදෙන නිලධාරි තනතුර බාරදීම සහ භාරගැනීමේ  සාම්ප්‍රදායික  පෙළපාලිය 2025 මාර්තු 27 වන දින පෙළපාළි චතුරශ්‍රයේදී පවත්වන ලද අතර, එහිදී නික්ම යන අණදෙන නිලධාරි ගෲප් කැප්ටන් එම්එම්ඒ මෙන්ඩිස් නිළධාරීතුමන් විසින් ගෲප් කැප්ටන් ඒආර්ජී රොද්‍රිගෝ නිළධාරීතුමන් අණදෙන නිලධාරි තනතුර භාර දෙන ලදී.

චීන වරායේ පිහිටිශ්‍රී ලංකා ගුවන් හමුදා චීන වරාය විද්‍යාපීඨයේ එක්සත්කම සහ ගෞරවය ශක්තිමත් කිරීම අරමුණින් පවත්වනු ලැබූ  ඉෆ්තාර් වැඩසටහනක්  2025 මාර්තු 27 වන දින ගුවන් භට භෝජනාගාරයේදී පැවැත්විණි.

ශ්‍රී ලංකා ගුවන් හමුදාව අධ්‍යාපන අමාත්‍යාංශය සඳහා ඒකාබද්ධව 'ජාතික අධ්‍යාපන කළමනාකරණ තොරතුරු පද්ධතිය' සංවර්ධනය කිරීමේ නව ව්‍යාපෘතියක් ආරම්භ කිරීමට සූදානම් වේ.