කොළඹ ශ‍්‍රී ලංකා ගුවන් හමුදා කඳවුර විසින් 2018 ගුවන් හමුදා අන්තර් ඒකක ස්කොෂ් තරඟාවළියේ ශූරතාවය දිනා ගැනීමට දසුගියදා සමත් විය. තරඟාවළිය 2018 ඔක්තෝම්බර් මස 16 වෙනි දින කොළඹ ගුවන් හමුදා සෞඛ්‍ය කළමනාකරණ මධ්‍යස්ථානයේදී පවත්වන ලදී. රත්මලාන ගුවන් හමුදා කඳවුරු තාක්‍ෂණ පක්‍ෂාංගය අනුශූරතාවය දිනා ගන්නා ලදී.

එයාර් කොමඩෝර් ආර්ඒයූපී රාජපක්‍ෂ, එයාර් කොමඩෝර් එස්සීකේ පල්ලෙවෙල, ගෲප් කැප්ටන් ඩීආර්ඩබ් ජයවර්ධන, ගෲප් කැප්ටන් එච්යූ වීජේවීර, බලපන්ති සැරයන් ඒකනායක, කෝප‍්‍රල් විදුරංග සහ නායක ගුවන් භට ගුණරත්න ජයග‍්‍රාහී කොළඹ කඳවුරු කණ්ඩායම නියෝජනය කරන ලදී.

ගුවන් හමුදාධීපති එයාර් මාර්ෂල් කපිල ජයම්පති මහතා ප‍්‍රධාන ආරාධිත අමුත්තා වශයෙන් මෙම අවස්ථාවට සහභාගී විය. ගුවන් හමුදා අධ්‍යක්‍ෂක මණ්ඩලය, ගුවන් හමුදා ස්කොෂ් සංචිත සභාපති එයාර් කොමඩෝර් එස්ඩී කොටගේ, නිලධාරීන් සහ සෙසු නිළයන් රැුසක් මෙම අවස්ථාවට සහභාගී වූහ.

පිරිමි අවු 35 ට වැඩි, පිරිමි අවු 45 ට වැඩි, විවෘත පිරිමි, ආධුනික පිරිමි, සහ ආධුනික කාන්තා වහයෙන් අංශ පහක් යටතේ තරඟාවළිය පවත්වන ලදී.