ශ්‍රී ලංකා ගුවන් හමුදාවේ අභිමානවත් සාමාජිකයෙකු ලෙස, මාගේ සියලු වගකීම් උසස්ම වෘත්තීය, සදාචාරාත්මක හා නීතිමය ප්‍රමිතීන්ට අනුකූලව ඉටු කිරීමට මම දැඩි සේ කැපවෙමි. වංචාවට හා දූෂණයට එරෙහි අධිකරණ ක්‍රියාදාමයන්ට මම සහාය දක්වන අතර, එවැනි ක්‍රියාදාමයන්ගෙන් පක්ෂග්‍රාහීව ඉවත් නොවීමට ද කැපවෙමි. තවද, වංචනික හා දූෂිත ක්‍රියාවලට විරුද්ධ වීමට මම කිසිවිටෙකත් පසුබට නොවන්නෙමි. ගුවන් හමුදාව තුළ බලපැවැත්වෙන සියළුම නීති, රීතින් ආරක්ෂා කරගනිමින් ඒවා ක්‍රියාත්මක කිරීමටත් මම කටයුතු කරමි. ජාතියේ විශ්වාසය සුරකමින්, පාරදෘශ්‍යභාවයෙන් යුතු, සාධාරණ හා විනයගරුක ක්‍රියාවලියක් ගොඩනඟමින්, වෘත්තීයමය, සදාචාරාත්මක හා දූෂණයෙන් තොර ගුවන් හමුදාවක් ස්ථාපිත කිරීමට මම අවංකව ප්‍රතිඥා දෙමි.