இலங்கை விமானப்படைத் தளபதி எயார் மார்ஷல் சுதர்சன பத்திரன அவர்களின் வழிகாட்டலின் கீழ் நேற்று (28 மார்ச் 2023) மாஹோவில் உள்ள பலல்ல சோபித வித்தியாலயத்தில் விசேட புனரமைப்புத் திட்டம் வெற்றிகரமாக நிறைவு செய்யப்பட்டது. இத்திட்டம் பாலாவி விமானப்படை நிலையத்தினால் மேற்கொள்ளப்பட்டது மற்றும் பல வருடங்களாக எவ்வித புனரமைப்பும் செய்யப்படாமல் இருந்த பாடசாலை நூலக கட்டிடம், பாடசாலையில் பயிலும் சுமார் 150 மாணவர்களுக்கு இனிமையான கல்விச் சூழலை வழங்குவதற்காக புனரமைக்கப்பட்டது.

புனரமைக்கப்பட்ட கட்டிடம் பலல்ல சோபித வித்தியாலய மாணவர்கள் மற்றும் ஆசிரியர்களிடம் பாலவி விமானப்படை தளத்தின்  கட்டளை   அதிகாரி குரூப் கப்டன் கோலித வீரசேகரவினால் சம்பிரதாயபூர்வமாக கையளிக்கப்பட்டது. இந்நிகழ்வில் பாலவி விமானப்படை  தளத்தை  சேர்ந்த அதிகாரிகள் மற்றும் ஏனைய அணிகள் மற்றும் பாடசாலையின் அதிபர், ஆசிரியர்கள் மற்றும் மாணவர்கள் எனப் பலரும் கலந்துகொண்டனர்.

இந்த புனரமைப்பு திட்டம் இலங்கையில் கல்வி உட்கட்டமைப்பை மேம்படுத்துவதற்கான தற்போதைய முயற்சிகளில் குறிப்பிடத்தக்க மைல்கல்லை குறிக்கிறது. இலங்கை விமானப்படை, பாலவி விமானப்படை நிலையத்தின் ஊடாக,  நாட்டின் கல்வி வளர்ச்சிக்கு ஆதரவளிப்பதில் தொடர்ந்தும் அர்ப்பணிப்புடன் உள்ளது, மேலும் இந்தத் திட்டம் அந்த அர்ப்பணிப்புக்கான சான்றாக விளங்குகிறது.