இரத்மலானை விமானப்படை தளத்தில்  அமைந்துள்ள  இல 61 படைப்பிரிவு தனது 11வது ஆண்டு நிறைவை 06 மே 2024 அன்று தொடர்ச்சியான நினைவு நிகழ்ச்சிகளுடன் கொண்டாடியது.

61 ஏர்கிராஃப்ட் யார்ட் வளாகத்தில் படைப்பிரிவின் அதிகாரிகள் மற்றும் பிற அதிகாரிகள் கலந்து கொண்ட சம்பிரதாய வேலை அணிவகுப்புடன் கொண்டாட்டங்கள் ஆரம்பமாகியது, இது கட்டளை அதிகாரி விங் கமாண்டர் ஏ.ஆர்.பத்திரகே அவர்களால் மதிப்பாய்வு செய்யப்பட்டது. பின்னர், முகாம் மைதானத்தில் நட்பு ரீதியிலான கிரிக்கெட் போட்டியும் நடைபெற்றது.

இரத்தினபுர  கலவந்துர  தேசிய பாடசாலை மற்றும் திவுரும்பிட்டிய தமிழ் பாடசாலை மாணவர்களுக்காக 2024 ஆம் ஆண்டு ஏப்ரல் 30 ஆம் திகதி நடத்தப்பட்ட மருத்துவ நிகழ்ச்சித்திட்டம் இந்த நடவடிக்கைகளில் அடங்கும். 250 க்கும் மேற்பட்ட மாணவர்கள் மற்றும் ஆசிரியர்கள் தேவையான சிகிச்சைகள் மற்றும் மருந்துகளுடன் பார்வை, மருத்துவ மற்றும் பல் பரிசோதனைகளை மேற்கொண்டனர். மேலும், மஹரகம எதிர்நோக்கு புற்றுநோய் வைத்தியசாலையின் நோயாளர்களுக்கு உதவுவதற்காக 100க்கும் மேற்பட்டவர்களால் இரத்ததானம் வழங்கும் நிகழ்ச்சியும் நடாத்தப்பட்டதுடன், தெஹிவளை மவுண்ட் டயமண்ட் ஸ்டார்ஸின் லயன்ஸ் கழகம் வழங்கிய தாராளமான ஆதரவினால் இந்நிகழ்வுகள் வெற்றிகரமாக நிறைவடைந்தன.

மேலும், இரத்மலானை பார்வையற்றோர் மற்றும் காதுகேளாதோர் பாடசாலையின் சிறார்களுக்கு பயனளிக்கும் வகையில் 61 ஆவது படையணியின் உறுப்பினர்களின் கூட்டு முயற்சியால் 02 மே 2024 அன்று விசேட இரவு விருந்தும் ஏற்பாடு செய்யப்பட்டிருந்தது.