மஹரகம அபெக்ஷ  வைத்தியசாலையில் நான்கு மாடிகளைக் கொண்ட சிறுவர் வார்டு வளாகம் திறந்து வைக்கப்பட்டதன் மூலம் சுகாதாரப் பாதுகாப்பு உட்கட்டமைப்பில் முன்னேற்றம் ஏற்பட்டுள்ளது. இது இலங்கை விமானப்படையின் 'ஹுஸ்மா' திட்டத்தின் கீழ் நிர்மாணிக்கப்பட்டதுடன், ருஹுனு மகா கதிர்காமம் ஆலயம் இந்த திட்டத்திற்காக சுமார் 150 மில்லியன் ரூபா செலவிட்டுள்ளது. அதன் திட்டமிடல் மற்றும் செயல்பாட்டில் விமானப்படை வீரர்களின் பங்களிப்பு மற்றும் அர்ப்பணிப்பு காரணமாக இது ஒரு வருடத்திற்குள் முடிக்கப்பட்டது.

முதலில் மூன்று மாடி வளாகமாகத் திட்டமிடப்பட்ட இந்தத் திட்டம், இலங்கை விமானப்படை உறுப்பினர்களால் வழங்கப்பட்ட தன்னார்வ உழைப்பு மற்றும் நிபுணத்துவத்தின் காரணமாக நான்கு மாடிகளுக்கு விரிவாக்கப்பட்டது. புதிதாக நிர்மாணிக்கப்பட்டுள்ள வார்டு வளாகத்தில், 70க்கும் மேற்பட்ட நோயாளிகள் சிகிச்சை அளிக்கும் வகையில், மனநலத்திற்காக வடிவமைக்கப்பட்ட குழந்தைகள் பூங்கா மற்றும் நவீன வசதிகளுடன் கூடிய அறுவை சிகிச்சை அறை உள்ளது.

இதற்கு மேலதிகமாக, இலங்கை விமானப்படை மஹரகம வைத்தியசாலையில் தேவையான புனரமைப்பு பணிகளை மேற்கொண்டதுடன், வைத்தியசாலையின் ஒட்டுமொத்த உட்கட்டமைப்பை மேம்படுத்தியது. கட்டுமானப் பொறியியல் பணிப்பாளர் ஜெனரல் எயார் வைஸ் மார்ஷல் சந்தன கீதப்ரியாவின் மேற்பார்வையின் கீழ் 75 தொழில்முறைத் தகுதியுள்ள விமானப் பணியாளர்கள் மற்றும் 100 திறமையான பணியாளர்களைக் கொண்ட அர்ப்பணிப்புக் குழுவால் இந்தத் திட்டம் செயல்படுத்தப்பட்டது.

ருஹுணு மஹா கதிர்காமம் விகாரையின் பஸ்நாயக்க நிலமே   திரு.திஷான் குணசேகர தலைமையில் விமானப்படை தலைமை அதிகாரி எயார் வைஸ் மார்ஷல் சம்பத் விக்ரமரத்ன அவர்கள் நான்கு மாடிகளை கொண்ட சிறுவர் காப்பக வளாகத்தை உத்தியோகபூர்வமாக கையளித்தார்.

இந் நிகழ்வில் அதிதிகளாக சுகாதார அமைச்சின் செயலாளர் பாலித மஹிபால, அபெக்ஷ வைத்தியசாலையின் பணிப்பாளர் அருண ஜயசேகர, இலத்திரனியல் மற்றும் கணனி பொறியியல் பணிப்பாளர் நாயகம் எயார் வைஸ் மார்ஷல் டாமியன் வீரசிங்க, நிர்மாண பொறியியல் பணிப்பாளர் நாயகம் எயார் வைஸ் மார்ஷல் சந்தன கீதப்பிரிய உள்ளிட்டோர் கலந்துகொண்டனர்.