இலங்கை ஜனநாயக சோசலிசக் குடியரசின் தலைவரும் ஆயுதப்படைகளின் தளபதியுமான அதிமேதகு அனுர குமார திசாநாயக்க, 2024 நவம்பர் 22 அன்று அக்குரேகொடவில் உள்ள பாதுகாப்பு தலைமையகத்தில் பாதுகாப்பு அமைச்சராக அதிகாரப்பூர்வமாகப் பொறுப்பேற்றார்.

பாதுகாப்பு அமைச்சின் செயலாளர் எயார் வைஸ் மார்ஷல் சம்பத் துய்யாகொந்தா (ஓய்வு), பாதுகாப்புப் படைகளின் பிரதானி ஜெனரல் சவேந்திர சில்வா, இராணுவத் தளபதி லெப்டினன்ட் ஜெனரல் விக்கும் லியனகே, கடற்படைத் தளபதி வைஸ் அட்மிரல் பிரியந்த பெரேரா மற்றும் விமானப்படைத் தளபதி எயார் மார்ஷல் உதேனி ராஜபக்ஷ  ஆகியோர் ஜனாதிபதியை வரவேற்றனர்.

இந்நிகழ்வில் பாதுகாப்பு பிரதி அமைச்சர் மேஜர் ஜெனரல் அருண ஜெயசேகர (ஓய்வு), பாதுகாப்பு அமைச்சின் செயலாளர், பாதுகாப்புப் படைகளின் பிரதானி மற்றும் இராணுவம், கடற்படை மற்றும் விமானப்படைத் தளபதிகள் உட்பட ஏராளமானோர் கலந்து கொண்டனர்.