பாதுகாப்பு சேவைகள் உடற்கட்டமைப்பு சாம்பியன்ஷிப்  2025 மே 28 ஆம் தேதி கொழும்பு பராக்கிரம கடற்படை தளத்தில் நடைபெற்றது  இந்த தொடரில்  இலங்கை விமானப்படை   ஒட்டுமொத்த சாம்பியன்ஷிப்பை வென்றது. 

2025/2026 ஆம் ஆண்டுக்கான பாதுகாப்பு சேவைகள் உடற்கட்டமைப்பு சாம்பியன்ஷிப்பில் இலங்கை விமானப்படை 04 தங்கப் பதக்கங்கள், 02 வெள்ளிப் பதக்கங்கள் மற்றும் 04 வெண்கலப் பதக்கங்களை வென்று ஒட்டுமொத்த சாம்பியன்ஷிப்பை வென்றது, அதே நேரத்தில் இலங்கை விமானப்படையின் கோப்ரல் சேனக லிவேரா "Mr. டிபென்ஸ் " (Mr. Defence ) விருதையும் வென்றார்.

இந்தப் போட்டியின் விருது வழங்கும் விழாவில் பிரதம விருந்தினராக கடற்படை நடவடிக்கைகளுக்கான பணிப்பாளர் நாயகம்  ரியர் அட்மிரல் புத்திக லியனகமகே கலந்து கொண்டார். இந்த நிகழ்வில் இலங்கை உடற்கட்டமைப்பு மற்றும் உடற்தகுதி கூட்டமைப்பின் தலைவர் திரு. ரந்தீர் ரோட்ரிகோ, இலங்கை விமானப்படை உடற்கட்டமைப்பு கூட்டமைப்பின் தலைவர் மற்றும் செயலாளர், மற்றும் முப்படைகளின் அதிகாரிகள் மற்றும் படைவீரர்கள்  கலந்து கொண்டனர்.