கட்டுநாயக்க விமானப்படையின் ஆராய்ச்சி மற்றும் மேம்பாட்டுப் பிரிவு 2025  ஆகஸ்ட் 05,  அன்று அதன் 10 வது ஆண்டு நிறைவைக் கொண்டாடியது, இது அதன் தசாப்த கால கண்டுபிடிப்பு மற்றும் முன்னேற்றப் பயணத்தில் ஒரு குறிப்பிடத்தக்க மைல்கல்லைக் குறிக்கிறது. 2015 இல் நிறுவப்பட்ட இந்தப் பிரிவு, விமானப்படையின் உள்நாட்டு ஆராய்ச்சி மற்றும் மேம்பாட்டுத் திறன்களை மேம்படுத்துவதை நோக்கமாகக் கொண்ட பணிகளுக்கு பங்களித்துள்ளது.

கடந்த பத்து ஆண்டுகளில் பல வெற்றிகரமான ஆராய்ச்சித் திட்டங்கள் மூலம் விமானப்படையின் செயல்பாட்டுத் திறனை மேம்படுத்துவதில் இந்தப் பிரிவு முக்கிய பங்கு வகித்துள்ளது. இந்த முயற்சிகள் விமானப்படையின் தொழில்நுட்ப முன்னேற்றம் மற்றும் தன்னம்பிக்கைக்கு குறிப்பிடத்தக்க பங்களிப்பை வழங்கியுள்ளன.

ஆண்டு நிறைவைக் குறிக்கும் வகையில் விமானப்படை வளாகத்தில்  அணிவகுப்பு பரீட்சனை  நடைபெற்றது. வளாகத்திற்குள் ஒரு மரம் நடும் திட்டமும் நடைபெற்றது, மேலும் நட்புறவை மேம்படுத்துவதற்காக விமானப்படை மருத்துவமனை மைதானத்தில் ஒரு கிரிக்கெட் போட்டியும் நடைபெற்றது.

பிரதான கொண்டாட்டத்திற்கு முன்னதாக, 2025 ஆகஸ்ட் 04,  அன்று கட்டுநாயக்கவில் உள்ள லட்சுமி குழந்தைகள் இல்லத்தில் ஒரு சிரமதான பிரச்சாரம் நடைபெற்றது. சமூக சேவை நடவடிக்கைகளின் ஒரு பகுதியாக ஒரு தொண்டு பணியும் நடத்தப்பட்டது. இந்த நிகழ்வுகள் அனைத்து அதிகாரிகள் மற்றும் பிரிவின் அனைத்து அணிகளின் அர்ப்பணிப்பு ஆதரவு மற்றும் தீவிர பங்கேற்புடன் வெற்றிகரமாக ஏற்பாடு செய்யப்பட்டன.