174D  நிரந்தர  விமானப்படை வீரர்கள், 44D நிரந்தர  விமானப்படை வீராங்கனைகள், 136D தன்னார்வ விமானப்படை வீரர்கள், 18D தன்னார்வ விமானப்படை வீராங்கனைகள் மற்றும் 42D நேரடி நுழைவு ஆட்சேர்ப்புப் பிரிவுகளுக்கான அணிவகுப்பு  (12 மே 2026)  சீனக்குடா விமானப்படை  அகாடமியில் நடைபெற்றது.

நலன்புரி பணிப்பாளர் நாயகம்,  எயார் வைஸ் மார்ஷல்  ரஜிந்த் ஜயவர்தன பிரதம விருந்தினராக இந்நிகழ்வில் கலந்துகொண்டு சிறப்பித்தார். சீனக்குடா விமானப்படை  அகாடமியின்  கட்டளை  மற்றும் அனைத்து அதிகாரிகளும், சகோதர சேவைகள் மற்றும் இலங்கை காவல்துறை உள்ளிட்ட சிரேஷ்ட அதிகாரிகளும் இந்நிகழ்வில் கலந்துகொண்டனர். சீனக்குடா விமானப்படை  அகாடமியின் தரைப்பயிற்சிப் பிரிவின் கட்டளை அதிகாரியான குரூப் கேப்டன் சாமில் ஹெட்டியாராச்சி இந்த அணிவகுப்பை வழிநடத்தினார்.

இந்த முக்கியத்துவம் வாய்ந்த நாளில், சீனக்குடா  இலங்கை விமானப்படை அகாதமியில் மொத்தம் 194 இளம் விமானப்படை வீரர்களும் வீராங்கனைகளும் தங்களது பயிற்சியை பெருமையுடன் நிறைவு செய்தனர். அணிவகுப்பின் போது சிறப்பு விருந்தினர்    எழுச்சியூட்டும் உரையை ஆற்றி, அடிப்படைத் தரைப்படைப் போர் பயிற்சியை வெற்றிகரமாக நிறைவு செய்தமைக்கு மனமார்ந்த வாழ்த்துக்களைத் தெரிவித்தார் . இளம் விமானப்படை வீரர்களும் வீராங்கனைகளும் இப்போது விமானப்படையின் ஒருங்கிணைந்த பகுதிகளாக உள்ளனர் என்பதை அவர் வலியுறுத்தினார். மேலும், நேர்மை மற்றும் ஒழுக்கத்தின் மிக உயர்ந்த தரங்களைப் பேணுவதன் முக்கியப் பொறுப்பையும் அவர் எடுத்துரைத்தார்.