2024–2025 ஆம் ஆண்டுகளுக்கான  விமானப்படை  வர்ண ராத்திரி விருதுவழங்கும் நிகழ்வு  (02 ஜூன் 2026) அத்ஹிட்டிய  உள்ள ஈகிள்  ஏரிக்கரை விருந்து மற்றும் மாநாட்டு மண்டபத்தில் ஒரு கோலாகலமான விழாவாக நடைபெற்றது.  பிரதம விருந்தினரான, பாதுகாப்பு அமைச்சகத்தின் செயலாளர், ஓய்வுபெற்ற எயார் வைஸ் மார்ஷல்  சம்பத் துய்யகொந்தா மற்றும் அவரின்  துணைவியார் கலாநிதி  ரசிகா பெரேராவுடன் வருகை தந்தார்  ​​விமானப்படைத் தளபதி எயார்  மார்ஷல் பந்து எதிரிசிங்க மற்றும் அவரது மனைவி திருமதி கிரிஷாந்தி எதிரிசிங்க ஆகியோரால் விருந்தினர்கள் அன்புடன் வரவேற்கப்பட்டார்.

ஈராண்டுக்கு ஒருமுறை நடைபெறும் விமானப்படை   வர்ண ராத்திரி விருது   இலங்கை விமானப்படையில் உள்ள விளையாட்டு ஆளுமைகளின் குறிப்பிடத்தக்க சாதனைகளை வெளிச்சம் போட்டுக் காட்டுகிறது. இந்த மதிப்புமிக்க நிகழ்வானது  இலங்கை விமானப்படையில் உள்ள பல்வேறு விளையாட்டுப் பிரிவுகளில் ஈடுபட்டுள்ள அனைவரின் அர்ப்பணிப்பு, தியாகம் மற்றும் கடின உழைப்புக்கு மரியாதை செலுத்துகிறது. இந்த ஆண்டு, 33 விளையாட்டுப் பிரிவுகள் மதிப்பீடு செய்யப்பட்டு, 206 விளையாட்டு ஆளுமைகள் இலங்கை விமானப்படை  வர்ண ராத்திரி விருது மற்றும் சான்றுதல்களை பெற்றனர். மேலும், மதிப்பீட்டுக் காலத்தில் சிறப்பான செயல்திறனை வெளிப்படுத்திய 80 விதிவிலக்கான விளையாட்டு வீரர்களுக்கு  கோல்டன் ஈகிள் விருது வழங்கி  கௌரவிக்கப்பட்டனர்.

முதலாவது  முறைசார்ந்த விமானப்படை வர்ண ராத்திரி விருது வழங்கும் விழா 1964-ஆம் ஆண்டு பிரித்தானிய  ராயல் சிலோன் விமானப்படையால் நடத்தப்பட்டது.  அந்த நிகழ்வில், சீனக்குடாவில்  நடந்த விமான விபத்தில் உயிரிழந்த மறைந்த பிளைட்  லெப்டினன்ட் அப்பப்பிள்ளை வரதராசவின் நினைவாக, 1962 மற்றும் 1963-ஆம் ஆண்டுகளுக்கான வண்ணம் அடங்கிய  விருதுகள்  ஆண்டின் மிகச்சிறந்த விளையாட்டு வீரருக்கான வரதராச நினைவுக் கோப்பையும் வழங்கப்பட்டது.  பிளைட்  சார்ஜென்ட் பெர்டி எகநாயக்க 1962-ஆம் ஆண்டில் மதிப்புமிக்க வரதராச கோப்பையைப் பெற்ற முதல் நபரானார். இலங்கை விமானப்படையின் வண்ணக்கொடிகளைப் பெற்ற முதல் பெண்மணி, முன்னணி விமானப்படை வீராங்கனை  ஹதுன்சூரிய   ஆவார். இவர் 1985-ஆம் ஆண்டில் துப்பாக்கிச் சுடுதலுக்காக வண்ண விருதை  பெற்றார்.