ஹிங்குரகொட இலங்கை விமானப்படைத் தளத்தின் முன்பள்ளியில் புதிதாகக் கட்டப்பட்ட இரண்டு வகுப்பறைகள் கொண்ட கட்டிடம் இன்று (04 ஜூன் 2026) நடைபெற்ற ஒரு விழாவில் திறந்து வைக்கப்பட்டது. இந்நிகழ்வில் ஹிங்குரகொட இலங்கை விமானப்படைத் தளத்தின்  கட்டளை அதிகாரி எயார் கொமடோர் சனோஜ் ஜெயரத்ன கலந்துகொண்டு சிறப்பித்தார்.

ஹிங்குரகொட இலங்கை விமானப்படைத் தளத்தின் முன்பள்ளியில் தற்போது 138 குழந்தைகள் பயில்கின்றனர். இது இலங்கை விமானப்படைக்குள் உள்ள மிகப்பெரிய முன்பள்ளிகளில் ஒன்றாகும். இந்த நிறுவனம் தற்போது மூன்று கீழ்   (LKG)  பள்ளி மற்றும் நான்கு     (UKG) பள்ளி வகுப்பறைகளைக் கொண்டுள்ளது.  புதிதாகக் கட்டப்பட்ட கட்டிடத்தில் கூடுதலாக இரண்டு மேல் மழலையர் பள்ளி வகுப்பறைகள் சேர்க்கப்பட்டுள்ளன. இது ஆரம்பகால குழந்தை பருவ கல்விக்கான வசதிகளை மேலும் மேம்படுத்துகிறது.

இலங்கை விமானப்படைப் பணியாளர்கள் மற்றும்  படைத்தளத்தை   அண்டிய சமூகத்தினரின் குழந்தைகளின் கற்றல் சூழலை மேம்படுத்துவதையும், அவர்களின் கல்வித் தேவைகளுக்கு ஆதரவளிப்பதையும் நோக்கமாகக் கொண்டு இந்தத் திட்டம் மேற்கொள்ளப்பட்டது.

இந்த விழாவில் அதிகாரிகள், கட்டுமானக் குழுவினர்,  பாலர் பாடசாலையின் ஆசிரியர்கள் மற்றும் சிறுவர்கள்  கலந்துகொண்டனர்.