අනුරාධපුර ගුවන් හමුදා කඳවුරේ පිහිටා ඇති අංක 06 හෙලිකොප්ටර් බලඝණය සිය 22 වන සංවත්සරය පසුගිය මාර්තු මස 15 වන දින සමරන ලදී.

සංවත්සර දින වැඩ පෙළපාලියෙන් අනතුරුව පිරිත් සජ්ජායනාවක් සහ ආගමික වතාවත් සිදු කරන ලද අතර බලඝණ සාමාජික සමාජිකාවන්ගේ පවුල්වල සමාමාජික සාමාජිකාවන් සඳහා දිවා ආහාරය ලබා දීම කඳවුරු ක්‍රීඩාංගනයේදී සිදු කරන ලදී.සංවත්සරයට සමගාමීව අනුරාධපුර රෝහලේදී මාර්තු මස 06 වන දින ලේ දන්දීමේ වැඩසටහනක් ක්‍රියාත්මක කරන ලද අතර එහිදී 142 දෙනෙකු ලේ දන්දීම සිදු කරන ලදි. මාර්තු මස 14 වන දින ජය ශ්‍රී මහා බෝධියට ආගමික වතාවත් සිදු කරන ලද අතර රුවන්වැලි මහා සෑය ඉදිරිපිට දන්සැලක්ද පවත්වන ලදි.