ඛෙල් 412 හෙලිකොප්ටර් යානාවක් යොදා ගනිමින් ශ්‍රී ලංකා ගුවන් හමුදා ජීවිත බේරා ගැනීම් කණ්ඩායම විසින් මීගමුව පිටිපන මුහුදේදී අනතුරට පත් බෝට්ටුවක සිටි ධීවරයින් දෙදෙනෙකු (ජුඩි රංජිත් සහ ටිරෝන්) නිරුපද්‍රිතව බේරා ගැනීමට සමත් විය.

කටුනායක ගුවන් හමුදා කදවුරේ කදවුරු අණදෙන නිළධාරී එයාර් කොමඩෝර් සාගර කොටකදෙණිය මහතාගේ උපදෙස් පරිදි රත්මලාන ගුවන් හමුදා කදවුරේ අංක 04 බලඝණයේ ගුවන් සේවක පිරිස සහ 04 දෙනෙකුගෙන් යුත් ජීවිත බේරා ගැනීමේ කණ්ඩායම් සහභාගීත්වයෙන් මෙම මෙහෙයුම සාර්ථකව සිදු කරන ලදී.