2016 අන්තර් ඒකක ස්කොෂ් තරඟාවළිය පසුගිය 2016 නොවැම්බර් මස 29 වන දින රත්මලාන කඳවුරු ගුවන් හමුදා ස්කොෂ් සංකීර්ණයේදී අති සාර්ථක අයුරින් නිමාවට පත්විය. තියුණු තරඟයකින් අවසන් වූ මෙවර තරගාවලියේ ශුරතාවය ගුවන් හමුදා කොළඹ කඳවුරු කණ්ඩායම දිනාගත් අතර අනුශුරතාවය ගුවන් හමුදා කටුනායක කඳවුරු තාක්ෂණික පක්ෂාංගය විසින් දිනාගන්නා ලදී.

ගෲප් කැප්ටන් ආර්ඒයූපී රාජපක්‍ෂ, ගෲප් කැප්ටන් එස්සීකේ පල්ලෙවෙල, විංග් කමාන්ඩර් ඩීආර්ඩබ් ජයවර්ධන, විංග් කමාන්ඩර් කේඒසී ඩයස්, විංග් කමාන්ඩර් පීඑන් ගුණතිලක, සැරයන් හේවගේ ඩීඑච්සීඅයි සහ නායක ගුවන් භට ගුණරත්න ඒපීබීඑස්එස් ජයග‍්‍රාහී කොළඹ කඳවුරු කණ්ඩායම නියෝජනය කරන ලදී.

ගුවන් හමුදාධිපති එයාර් මාර්ෂල් කපිල ජයම්පති මහතා උත්සවයේ ප‍්‍රධාන ආරාධිත අමුත්තා වශයෙන් සහභාගී වූ අතර ගුවන් හමුදා අධ්‍යක්‍ෂක මණ්ඩලය, ගුවන් හමුදා ස්කොෂ් සංචිතයේ සභාපති එයාර් කොමඩෝර් එස්ඩී කොටගේ, ගුවන් හමුදා නිලධාරීන් සහ සෙසු නිළයන් රැුසක්ද මෙම අවස්ථාවට එක්වූහ. 

විවෘත තරඟාවළිය පිරිමි ආධුනික, පිරිමි විවෘත, පිරිමි අවු 35 ට වැඩි සහ පිරිමි අවු 45 ට වැඩි වශයෙන් කාණ්ඩ හතරක් යටතේ පැවැත්වුණු අතර විශාල තරගකරුවන් ප්‍රමාණයක් තරගාවලිය වෙනුවෙන් ඉදිරිපත්ව සිටීම කැපී පෙනුනි. තරගාවලියේ ප්‍රතිඵල පහත සඳහන් පරිදි  වේ.