ගුවන් හමුදා රත්මලාන මූලික කඳවුරේ දී අවසන් වූ අංක 17 මූලික ලෝඩ් මාස්ටර් පාඨමාලාව සාර්ථකව අවසන් කල එක් නිළධාරියකු ඇතුළු ගුවන් භටයින් තිදෙනෙකු හට සහ ගුවන් හමුදා හිගුරක්ගොඩ මූලික කඳවුරේ දී අවසන් වූ අංක 13 ගුවන් අවිකරු පාඨමාලාව සාර්ථකව අවසන් කල ගුවන් භටයින් 11 ක් දෙනෙකු සඳහා නිළ ලාංජන පැලදවීම ගුවන් හමුදාධිපති එයාර් මාර්ෂල් කපිල ජයම්පති මහතාගේ ප‍්‍රධානත්වයෙන් 2017 මැයි මස 22 වන දින ගුවන් හමුදා මූලස්ථානයේදී සිදු කරන ලදී.

ගුවන් මෙහෙයුම් අධ්‍යක්ෂක එයාර් වයිස් මාර්ෂල් එස් කේ පතිරණ මහතා මෙහෙයුම් භූමි අධ්‍යක්ෂක එයාර් වයිස් මාර්ෂල් කේ එෆ් ආර් ප‍්‍රනාන්දු මහතා ඇතුළු ජ්‍යෙෂ්ඨ නිළධාරීන් පිරිසක් ද මෙම අවස්ථාව සඳහා සහභාගි වූහ.