දකුණු සුඩානයේ සාම සාධක රාජකාරීන්හි නිරතව සිටි ශ‍්‍රී ලංකා ගුවන් හමුදාවේ හෙලිකොප්ටර් බළඝනයේ  දෙවන බල ඇණියේ භට කණ්ඩායම පසුගියදා යළි දිවයිනට ලඟා විය.

මෙම බලඇණියේ පළමු කණ්ඩායම ලෙස සාමාජිකයින් 62 නෙකු පසුගිය 2017 ජූනි මස 27 වන දින දිවයිනට පැමිණි අතර දෙවන කණ්ඩායම ලෙස සාමාජිකයින් 32 නෙකු අද (2017 ජූලි මස 01) දින උදෑසන දිවයිනට ලඟාවිය. මෙම දෙවන බල ඇණිය ගුවන් හමුදා සාමාජිකයින් 94 නෙකුගෙන් සමන්විත වූ අතර මාස 12 ක පමණ කාලයක් දකුණු සුඩානයේ සාම සාධක රාජකාරීන්හි නිරත විය.

කටුනායක ගුවන් හමුදා කඳවුරු අණදෙන නිලධාරී එයාර් කොමඩෝර් ප‍්‍රසන්න පායෝ, නිළධාරීන් සහ දිවයිනට පැමිණි ගුවන් හමුදා සාමාජිකයන්ගේ ඥාතීන් රැසක්ද මෙම අවස්ථාවට සහභාගී වූහ.