ශ‍්‍රි ලංකාවේ සංචාරයක නිරත වන ඉන්දීය ගුවන් හමුදාධිපති එයාර් චීෆ් මාර්ෂල් බිරේන්දර් සිං දනොආ මහතා දෙසැම්බර් මස 11 වන දින යුධ හමුදාධිපතිතුමන් සහ නාවික හමුදාධිපතිතුමන් හමුවිය.

මෙහිදී යුධ හමුදා මූලස්ථානය වෙත ඉන්දීය ගුවන් හමුදාධිපතිතුමන් පිළිගැනීම යුධ හමුදාධිපති ලුතිනන් ජෙනරාල් මහේෂ් සේනානායක මහතා විසින් සිදු කරන ලද අතර උත්තමාචාර පෙළපාලියක්ද පවත්වන ලදී. මෙම හමුව සිහිපත් වීම පිණිස දෙපාර්ෂවය අතර සමරු ඵලක හුවමාරුවක්ද සිදු කරන ලදී.

එසේම, උත්තමාචාර පෙළපාලියකින් පසු නාවික හමුදාධිපති වයිස් අද්මිරාල් සිරිමෙවන් රණසිංහ විසින් ඉන්දීය ගුවන් හමුදාධිපතිතුමන් නාවික හමුදා මූලස්ථානය වෙත පිළිගැනීම සිදු කරන ලදී. මෙම හමුව සිහිපත් වීම පිණිස දෙපාර්ෂවය අතර සමරු ඵලක හුවමාරුවක්ද සිදු කරන ලදී.