ශ‍්‍රී ලංකා ගුවන් හමුදා සේවා වනිතා ඒකකයේ සංකල්පයකට අනුව සංවිධානය කරන ලද ගුවන් හමුදා සේවයේ නියුතු නිළධාරීන්ගේ සෙසු නිළයන්ගේ හා සිවිල් සේවක මහතුන්ගේ 2017  ශිෂ්‍යත්ව විභාගෙයන් හා අ.පො.ස උසස් පෙළ විභාගෙයන් ඉහලින් සමත්  දරුවන්ට උපහාර පිදීමේ වැඩසටහනක් ගුවන් හමුදා මූලස්ථානයේදී 2018 පෙබරවාරි 02 වන දින ගුවන් හමුදාධිපති එයාර් මාර්ෂල් කපිල ජයම්පති මහතාගේ හා ගුවන් හමුදා සේවා වනිතා ඒකකයේ සභාපතිණී අනෝමා ජයම්පති මහත්මියගේ ප‍්‍රධානත්වයෙන් පැවැත්විණි.

මෙහිදී  ශිෂ්‍යත්ව විභාගයෙන් ලකුණු 175 ට වැඩියෙන් ලබා දක්ෂතා දැක්වූ සිසු සිසුවියන් 129 දෙනෙකු සඳහා ද,  අ.පො.ස උසස් පෙළ විභාගයන් ඒ සාමාර්ත 03 ක් ලබාගත් සිසුන් 02 ක්ද සේවා වනිතා ඒකකය මගින් මුදල් ආධාර ලබාදෙන ලදී.

අනතුරුව ශ‍්‍රී ලංකා ගුවන් හමුදාධිපතිතුමන් සහ ගුවන් හමුදා සේවා වනිතා ඒකකයේ සභාපතිණී අනෝමා ජයම්පති මහත්මිය විසින් මෙම අවස්ථාවට සහභාගී වූ විශේෂ දක්ෂතා දැක්වූ සිසු දරු දැරියන්ට සුභ පතන ලදී.