ශ‍්‍රී ලංකා ගුවන් හමුදා අන්තර් ඒකක පාපන්දු තරඟාවළිය 2019 පෙබරවාරි මස 26 වෙනි දින ඒකල ගුවන් හමුදා වෘත්තීය පුහුණු පාසල් ක‍්‍රීඩාංගණයේදී නිමාවට පත්විය. ඒකල ගුවන් හමුදා වෘත්තීය පුහුණු පාසල සහ කොළඹ ගුවන් හමුදා කඳවුර පිළිවෙලින් පිරිමි සහ කාන්තා ශූරතාවයන් දිනා ගන්නා ලදී.

පිරිමි අවසන් මහා තරඟයේදී ඒකල ගුවන් හමුදා වෘත්තීය පුහුණු පාසල විසින් බණ්ඩාරනායක අන්තර්ජාතික ගුවන් තොටුපල ගුවන් හමුදා කඳවුරු කණ්ඩායම ගෝල 1-0 ක් ලෙස පරාජයට පත් කරන ලදී. චීනවරාය ගුවන් හමුදා විද්‍යාපීඨය ගෝල 1-0 ක් ලෙස පරාජයට පත්කරමින් කොළඹ ගුවන් හමුදා කඳවුර කාන්තා හූරතාවය දිනා ගන්නා ලදී.

ගුවන් හමුදා විද්‍යුත් හා විදුලිසංදේශ අධ්‍යක්‍ෂක එයාර් වියිස් මාර්ෂල් කේඒඑල් රණතුංග ප‍්‍රධාන ආරාධිත අමුත්තා වශයෙන් මෙම අවස්ථාවට සහභාගී විය. ගුවන් හමුදා පාපන්දු සංචිතයේ සභාපති ගෲප් කැප්ටන් ජූඩ් පෙරේරා, නිලධාරීන් සහ සෙසු නිළයන් රැුසක් මෙම අවස්ථාවට එක් වූහ.