ශ්‍රී ලංකා ගුවන් හමුදාව පැළ ලක්ෂයක් සිටුවයි..

දිවයින පුරා ක්‍රියාත්මක කරනු ලැබු "දැයට සෙවණ" රුක් රෝපණ වැඩසටහනට සමගාමීව, ගුවන් හමුදාධිපති එයාර් චීෆ් මාර්ෂල් රොෂාන් ගුණතිලක මහතාගේ මග පෙන්වීම යටතේ, ශ්‍රී ලංකා ගුවන් හමුදාව අද උදැසන 10.07 යෙදී තිබුණු සුභ මොහොතින් පැළ ලක්ෂයක් රෝපණය කරන ලදී.

ආර්ථික සංවර්ධන අමාත්‍ය ගරු බැසිල් රාජපක්ෂ මැතිතුමාගේ ප්‍රධානත්වයෙන් ඒකල ගුවන් හමුදා කඳවුරේදී මෙහි ප්‍රධාන වැඩසටහන ක්‍රියාත්මක වු අතර, එහිදී ගරු අමාත්‍යතුමා ඒකල ගුවන් හමුදා කඳවුරේ වෘත්තිය පුහුණු පාසලට ප්‍රවිෂ්ඨ වීමේ මාර්ගය අසල සුභ මොහොතින් නා පැළයක් රෝපණය කරන ලදී.

ඒකල කඳවුරු භුමියතුල පැළ තුන්දහසක් සිටුවන ලද අතර ගුවන් හමුදා මුලස්ථානය ඇතුළුව අනෙකුත් සියළු මුලික කඳවුරු, කඳවුරු සහ ඒකකයන් යෙදී තිබු සුභ මොහොතින් පැළ රෝපණය කර උපරිම දායකත්වය ලබා දෙන ලදී.