ගුවන් හමුදාවේ නායක ගුවන් භට මධුර පීරිස් 2019 කමාන්ඩෝ චැලෙන්ජ් සුපර් ක්‍රොස් මෝටර් රථ හා යතුරු පැදි තරඟාවළියේ 125 සීසි කාණ්ඩයේ යතුරු පැදි ධාවන තරඟයේ පලමුවැනි ස්ථානය හිමි කර ගනී. තරඟාවළිය 2019 අගෝස්තු මස 04 වන දින පවත්වන ලදී.

මධුර පීරිස් 2012 වසරේදී ගුවන් හමුදා යතුරු පැදි කණ්ඩායමට ඇතුළත් වු අතර යතුරු පැදි පිටියේදී ගුවන් හමුදාව නියෝජනය කළ එකම ධාවකයා විය.2014 වර්ෂයේදී ක්‍රීඩකයින් 12 දෙනෙකු සමග ගුවන් හමුදා යතුරු පැදි කණ්ඩායම පිහිටුවීමත් සමඟ ඔහු කණ්ඩායමේ නායකයා බවට පත්විය.ගුවන් හමුදාවට ඉමහත් කීර්තියක් ගෙන දුන් මොහු 2019 වසරේදී 125 සීසි කාණ්ඩයේ යතුරු පැදි ධාවන තරගවලදී අඛණ්ඩව තරඟ තුනකින් පළමු ස්ථානය ලබා ගෙන තිබේ.