මාතලේ එඩ්වඩ් පාර්ක් හොකී ක්‍රීඩාංගණයේදී පැවති 20 වන ආදී විජය අභියෝගතා කුසලාන  හොකී තරගාවලියේදී ශ්‍රී ලංකා ගුවන් හමුදා පිරිමි ඒ සහ බී කණ්ඩායම් පිළිවෙලින් කුසලාන හා පළග ශූරතා දිනා ගත්හ. 2019 ඔක්තෝබර් 26 සිට 27 දක්වා මෙම තරගාවලිය පවත්වන ලදී.මෙම තරගාවලිය මාතලේ විජය ක්‍රීඩා සමාජය විසින් සංවිධානය කරන ලදී.

පිරිමි කුසලාන ශූරතාවයේ අවසන් මහා තරඟයේදී ගුවන් හමුදා ඒ පොලිස් කණ්ඩායම 1 - 0 කින් පරාජයට පත් කළ අතර පළග අවසන් තරඟයේදී ගුවන් හමුදා බී කණ්ඩායම ශ්‍රී ලංකා නාවික හමුදාව 4 - 2 කින් පරාජය කළේය.

ගුවන් හමුදා හොකී ක්‍රීඩක නායක ගුවන් භට ආනන්ද වීඒඩීකේඑම් තරඟාවලියේ විශිෂ්ටතම ක්‍රීඩකයා ලෙස සම්මාන ලැබීය.

මෙම සම්මාන උළෙලේ ප්‍රධාන ආරාධිත අමුත්තා ලෙස ශ්‍රී ලංකා හොකී සම්මේලනයේ විශ්‍රාමලත් ජ්‍යෙෂ්ඨ නියෝජ්‍ය පොලිස්පති සුමිත් එදිරිසිංහ මහතා සහභාගී විය.