ජගත් කාන්තා දිනයට හා ගුවන් හමුදා 69 වන සංවත්සරයට සමගාමිව ගුවන් හමුදා සේවා වනිතා ඒකකයේ සභාපතිතුමිය වන මයුරි ප්‍රභාවි ඩයස් මහත්මියගේ සංකල්පයක් මත ඒය අර්ථාන්විතව සැමරිම සදහා අනුරාධපුර රුවන්මැලි සැරදුන් අභියස හා ජය ශි‍්‍ර මහා බෝධින් වහන්සේ අභියස සංවිධානය කරනු ලැබු විශේෂ පුණ්‍ය වැඩසටහන් මාලාව 2020 මාර්තු මස 08 වන දින ගුවන් හමුදාධිපති එයාර් මාර්ෂල් සුමංගල ඩයස් මහතාගේ සහ සේවා වනිතා ඒකකයේ සහාපතිනි මයුරි ප‍්‍රභාවි ඩයස් මහත්මියගේ ප‍්‍රරධානත්වයෙන්
සාර්ථක ලෙස නිමාවට පත්විය.

2020 මාර්තු මස 07 වන දින උදැසන සිට ආරමිභවු මෙම වැඩසටහන් මාලාව සන්ද්‍යා කාලයේ රුවන්මැලි සැරදුන් වන්දනාමාන කිරිමට පැමිණෙන සැදැවත් බැතිමතුන් වෙනුවෙන් මහා සව් දන්සැලක් රුවන්මැලි සැරදුන් අභියස මහා පහන් පුජාවක් හා සුමදුර දම්දෙසුමක් මෙන්ම ඉන්පසුව භික්ෂුණින් වහන්සේලා 35 ස් නමක් විෂයෙහි චතුමධුර පුජාවක්ද සංවිධානය කර තිබුණි.

2020 මාර්තු මස 08 වන දින උදැසන භික්ෂුණින් වහන්සේලා 75 ස් නමක් විෂයෙහි සපිරිකර සහිත සංඝගත දක්ෂිණාවක්ද පැවැත්විමෙන් අනතුරුව පුණ්‍ය වැඩසටහන් මාලාව නිමාවට පත්විය. මෙම වැඩසටහන් මාලාව සදහා ගුවන් හමුදා මාණ්ඩලික ප්‍රධානී ඇතුළු අධ්‍යක්ෂක මණ්ඩලයේ නිළධාරීවරුන් සහ ගුවන් හමුදා සමාජිකයින් සහභාගීවිය.