ශ‍්‍රී ලංකා යතුරු පැදි ක‍්‍රීඩා සම්මේලනය විසින් සංවිධානය කරනලද ජාතික ශූරතා සම්මාන ප‍්‍රදාන් උත්සවය 2020 මාර්තු මස 14 වන දින කටුනායක ඊගල්ස් ලැගුන් වීව් උත්සව ශාලාවේදී පැවැත්විණි.

එහිදී නායකගුවන් භට මධුර පීරිස් විසින් ස්ටෑන්ඩර්ඩ්/මොඩිෆයිඩ් සට‍්‍රීට් ටේ‍්‍රල් 125සීසී කාණ්ඩයේ 2019 ජාතික ශූරයා ලෙස සම්මාන දිනා ගන්නා ලදී. එසේම සැරයන් සුසන්ත දිසානායක විසින් එම අංශයේම හොඳම ටියුනර්/ටෙක්නීෂියන් ලෙස ජාතික ශූරතා සම්මානය දිනා ගැනීමට සමත් විය.    

මදුර පීරිස් 2012 වර්ෂයේදී ගුවන් හමුදාවට යතුරු පැදි ධාවන තරඟ හඳුන්වා දුන්අතර ඔහුගෝ ධාවන හැකියාවෙන් ගුවන් හමුදාට සුවිශේෂී කීර්තියක් සහ ජයග‍්‍රහණ රැුසක් අත්කරදීමට සමත්ව තිබේ.