ගුවන් හමුදා පොලිස් යතුරු පැදි ඉතිහාසය අළුත් කරමින් 2020 අගෝස්තු මස 27 වන දින පළමු වතාවට ගුවන් හමුදා පොලිස් ගුවන් කාන්තා යතුරුපැදි කණ්ඩායම ආරක්‍ෂක යතුරුපැදි පෙළ ලෙස ක‍්‍රියාකරමින් ගුවන් හමුදාධිපතිතුමන් වාර්ෂික පරීක්‍ෂණ පෙළපාලියට කැඳවාගෙන යන ලදී.

ගුවන් හමුදාධිපති එයාර් මාර්ෂල් සුමංගල ඩයස් මහතාගේ උපදෙස් පරිදි වැඩබලන ගුවන් හමුදා විනයාරක්‍ෂක අධ්‍යක්‍ෂක ගෲප් කැපිටන් පද්මන් කොස්තා මහතාගේ මගපෙන්වීම යටතේ පළමු ගුවන් හමුදා පොලිස් ගුවන් කාන්තා යතුරුපැදි සාමාජිකාවන් 11 දෙනා ගුවන් හමුදා උත්සව යතුරු පැදි කණ්ඩායමේ සාඩම්බර සාමාජිකාවන් ලෙස සිය පුහුණුව සාර්ථකව නම කරන ලදහ.

මෙම ගුවන් කාන්තාවන් විවිධ ගුවන් හමුදා කඳවුරු වන රාජකාරීන්හි නිරත වූ අතර ගුවන් හමුදා පොලිස් යතුරුපැදි බලඝණය පිහිටන කටුනායක ගුවන් හමුදා කඳවුර වෙත පැමිණ වසර 1 ක පමණ කාලයකින් සමන්විත වූ මෙම පාඨමාලාව හැදෑරීමට කැපකිරීම් රාශියක් කිරීමට සිදුවිය.