ඉන්දියාව සහ මැදපෙරදිග සිට මෙරටට පැමිණි  පුද්ගලයින් 70 දෙනෙකු නිරෝධායන කටයුතු සදහා ශී‍්‍ර ලංකා ගුවන් හමුදා පලාලි හා මුලතිව් කඳවුරැවල  පිහිටා ඇති නිරෝධායන මධ්‍යස්ථාන වෙත යෙමුකරන ලද අතර 2020 සැප්තැම්බර් මස 18 වන දින සාර්ථකව නිරෝධායන කටයුතු නිම කිරීමෙන් පසු  ඔවුන් තම නිවෙස් වෙත පිටත් කර හරින ලදී.මෙම සිවිල් වැසියන්ට දින 14 ක කාලයක් නිවෙස්වල තවදුරටත් ස්වයං නිරෝධායනය කිරීමට උපදෙස් දී ඇත.

මෙම නිරෝධායන මධ්‍යස්ථාන ගුවන් හමුදාධිපති එයාර් මාර්ෂල් සුමංගල ඩයස් මහතාගේ උපදෙස් හා ඝෘජු අධීක්ෂණය යටතේ සියලූ පහසුකම් සහිතව පවත්වාගෙන යනු ලබයි.පලාලි ගුවන් හමුදා කඳවුරේ අණදෙන නිළධාරී ගෲප් කැප්ටන් ඩබ්ලියු ආර් ද සොයිසා හා මුලතිව් ගුවන් හමුදා කදවුරේ අණදෙන නිළධාරි ගෲප් කැප්ටන් අනුරුද්ධ විජේසිරිවර්ධන ඇතුලු කාර්යමණ්ඩල වල අධික්ෂණය යටතේ සාර්ථකව නිරෝධායන කටයුතු නිම කරන ලදී.