බස්නාහිර පලාත තුළ සංචරණ සීමා පනවා ඇති ප‍්‍රදේශයන්හි අනවසර සංචරණයන් නිරීක්‍ෂණය කිරීම සඬහා ගුවන් හමුදාධිපති එයාර් මාර්ෂල් සුදර්ශන පතිරණ මහතාගේ උපදෙස් පරිදි ශ්‍රී ලංකා පොලිසිය සහ විශේෂ කාර්ය බලකාය (එස්ටීඑෆ්* සමඟ එක්ව 2020 නොවැම්බර් 12 සහ 13 යන දිනයන්හිදී විශේෂ ගුවන් නිරීක්‍ෂණය මෙහෙයුම් මාලාවක් දියත් කරන ලදී.

බස්නාහිර පළාතේ හුදෙකලා කරන ලද පොලිස් කොට්ඨාශ 26 ක් තුළ කොවිඩ් 19 වෛරස් ව්‍යාප්තියට තුඩු දෙන  සෞඛ්‍ය මාර්ගෝපදේශයන්ට පටහැනි ඕනෑම නීතිවිරෝධී රැස්වීම්, අනවසර සංචරණයන් නිරීක්‍ෂණය කිරීම සඳහා ගුවන් හමුදාව විසින් විසින් බෙල් 212 හෙලිකොප්ටර් යානයක් සහ ඩ්‍රෝන් කණ්ඩායම් තුනක් යොදවා ඇත.  හුදකලා නීතිරීති හා මාර්ගෝපදේශ කඩකරන්නන් අත්අඩංගුවට ගැනීම සඳහා ශ්‍රී ලංකා පොලිසිය සහ විශේෂ කාර්ය බලකාය (එස්ටීඑෆ්* විසින් මෙහෙයවනු ලබන භූමි ඒකක වෙත ගුවන් තොරතුරු ලබාදීම සිදුකරනු ලබයි.