ජර්මානු ජනරජය විසින් නවදිල්ලියේ පිහිටුවා ඇති ජර්මනි තානාපති කාර්යාලයේ හමුදා උපදේශක කැප්ටන් ජෙරල්ඩ් කෝච් මහතා සහ නියෝජිත පිරිසක් අද (2021 ඔක්තෝබර් 05 වන දින) උදෑසන ගුවන් හමුදා මූලස්ථානයේදී ගුවන් හමුදාධිපති එයාර් මාර්ෂල් සුදර්ශන පතිරණ මහතා හමුවිය.නියෝජ්‍ය ආරක්‍ෂක උපදේශක ලුතිනන් කර්නල් ජෑන් සිහාර් සහ දේශපාලන සහ සංධාන නිළධාරී ධරිනි දළුවත්ත මහත්මිය ද මෙම නියෝජිත පිරිසට ඇතුලත් විය.

ගුවන් හමුදාපති තුමන් සහ කැප්ටන් කෝච් අතර සුහද සාකච්ඡාවක් පැවැත්වුනු අතර මෙම අවස්ථාව සනිටුහන් කරමින් සමරු තිළිණ හුවමාරුවක් ද සිදු කරන ලද අතර නියෝජිත පිරිස හට ගුවන් හමුදා මූලස්ථානයෙන් පිටත්ව යාමට පෙර ගුවන් හමුදාධිපතිතුමන් විසින් සෙසු සාමාජිකයින් වෙත ද සමරු තිළිණ ප්‍රදානය කරන ලදී.