මීරිගම කදවුරු ගුවන් ආරක්ෂක අණ සහ පාලන මධ්‍යස්ථානය (ADC&CC) සිය 16 වැනි සංවත්සරය ඊයේ (2022 ජූලි 01) සමරනු ලැබීය. ජාතික ගුවන් ආරක්ෂක ජාලයේ ප්‍රධාන මධ්‍යස්ථානය ලෙස ජාතියට සේවය කිරීමේ මූලික අරමුණ ඇතිව මෙය 2006 වසරේදී පිහිටුවන ලදී. පසුව, ජාතික ගුවන් ආරක්ෂක මෙහෙයුම් වලට සහය දැක්වීම සඳහා පරිපාලන, ආරක්ෂක, සැපයුම්, තාක්ෂණික සහ නඩත්තු සේවා සැපයීම සඳහා මීරිගම ගුවන් හමුදා කඳවුර පිහිටුවන ලදී.

ගුවන් ආරක්ෂක අණ සහ පාලන මධ්‍යස්ථානයේ අණදෙන නිලධාරී ගෲප් කපිතාන් සනත් ප්‍රනාන්දු මහතාගේ ප්‍රධානත්වයෙන්සංවත්සර දින පෙළපාලියකින් සැමරුම කටයුතු ආරම්භ විය. අංශයේ සියලුම නිලධාරීන්ගේ සහභාගීත්වයෙන් කදවුරු ක්‍රීඩා පිටියේ සංවිධානය කර තිබූ ක්‍රිකට් තරගයකින් දිනයේ කටයුතු අවසන් විය.

සංවත්සර දින සැමරුමට සමගාමීව අත්‍යාවශ්‍ය ලිපි ද්‍රව්‍ය, ක්‍රීඩා උපකරණ සහ වියළි ආහාර ද්‍රව්‍ය පරිත්‍යාග කරමින් මීරිගම ශාසනවර්ධන මහාබෝධි ළමා  නිවාසයේ ප්‍රතිසංස්කරණ වැඩසටහනක් ද පවත්වන ලදී.