කටුනායක ගුවන් හමුදා කඳවුරේ අංක 5 ප්‍රහාරක බලඝණයේ නව අණදෙන නිළධාරී වැඩ භාර ගැනීම 2022 අගෝස්තු 22 වන දින සිදු වන ලද අතර එහිදී විංග් කමාන්ඩර් කේජීආර්අයි පෙරේරා විසින් විංග් කමාන්ඩර් එස්එම්එම්එම්එම් සේනානායක වෙත නව තනතුරේ රාජකාරී භාර දෙන ලදී. සම්ප්‍රදායානුකූලව භාරදීමේ පෙළපාලිය බලඝණ පරිශ්‍රයේදී බලඝණ නිලධාරීන්ගේ හා සෙසු නිලයන්ගේ සහභාගීත්වයෙන් පවත්වන ලදී.

වසර 21ක කීර්තිමත් සහ කැපවූ සේවයෙන් පසු පිටත්ව යන අණදෙන නිලධාරී වින්ග් කමාන්ඩර් කේජීආර්අයි පෙරේරා 2022 සැප්තැම්බර් 01 දින ශ්‍රී ලංකා ගුවන් හමුදාවට සමුදීමට නියමිතය. අභිනවයෙන් පත් කරන ලද අණදෙන නිළධාරී, විංග් කමාන්ඩර් එස්එම්එම්එම්එම් සේනානායක මහතා විසින් මීට පෙර අංක 5 ප්‍රහාරක බලඝණයේ නිළධාරී අණදෙන මෙහෙයුම් ලෙස කටයුතු කරන ලදී.