ශ්‍රී ලංකා ගුවන් හමුදා ඒකල වෘත්තිය පුහුණු පාසලේ නව තනතුරේ වැඩ භාරදීම සහ භාරගැනීමේ සම්ප්‍රදායික  පෙළපාලිය (2022 අගෝස්තු 31) දින පෙළපාලිය භූමියේදී පවත්වන ලද අතර, පිටත්ව යන අණදෙන නිලධාරී ගෲප් කැප්ටන් ඩී.බි.වි වීරසිංහ නිලධාරීතුමන් විසින් ගෲප් කැප්ටන් එස්.පි.එස් මාර්ටිනෝ නිලධාරීතුමන් වෙත නව තනතුරේ වැඩ භාර දෙන ලදී.

නික්ම යන අණදෙන නිළධාරී ගෲප් කැප්ටන් ඩී.බී.වී වීරසිංහ නිළධාරිතුමන් 2021 අගෝස්තු 03 වන දින සිට ඒකල ගුවන් හමුදා වෘත්තිය පුහුණු පාසලේ අණදෙන නිලධාරියා ලෙස වැඩ භාරගත් අතර මාණ්ඩලික නිලධාරී ඉලෙක්ට්‍රොනික 1  ලෙස රාජකාරි භාර ගැනීම සඳහා ගුවන් හමුදා මූලස්ථානය වෙත පිටත්ව යාමට නියමිතව ඇත.

නව අණදෙන නිලධාරී ගෲප් කැප්ටන් එස්.පි.එස් මාර්ටිනෝ ගුවන් හමුදා ඒකල ගුවන් හමුදා වෘත්තිය පුහුණු පාසලේ අණදෙන නිළධාරියා ලෙස පත්වීමට පෙර කටුනායක ගුවන් හමුදා කඳවුරේ සාමාන්‍ය ඉංජිනේරු පක්ෂාංගයේ අණදෙන නිළධාරී තනතුර දරන ලදී.