2022 වසර සඳහා වන අන්තර් ඒකක පාපැදි ශූරතාවලිය වසර දෙකක කාලයකට පසු 2022 ඔක්තෝම්බර් මස 10 සහ 11 යන දෙදින තුළ කටුකුරුන්ද ගුවන් හමුදා කඳවුරේදී සාර්ථකව නිමාවට පත් විය. පිරිමි සහ කාන්තා කාණ්ඩ සඳහා තනි පුද්ගල කාල පරීක්‍ෂණය සහ පාපැදි ක්‍රීඩාවේ හොඳම ක්‍රීඩා ඒකකය තේරීම සඳහා කාණ්ඩ දෙකක් යටතේ ශූරතාවලිය පැවැත්විණි.

ශූරතාවලියේ ප්‍රමුඛතම ඉසව්ව වන පිරිමි විවෘත්‍ර ධාවන තරඟය 2022 ඔක්තෝබර් 11 වන දින විශාල ප්‍රේක්ෂක පිරිසක් ඉදිරියේ පවත්වන ලදී. ශ්‍රී ලංකා ගුවන් හමුදා චීන වරාය විද්‍යාපීටය පිරිමි අංශයේ කණ්ඩායම් ශූරතාව දිනාගත් අතර කොළඹ ගුවන් හමුදා කඳවුර අනුශූරතාව හිමිකරගන්නා ලදී.ගුවන් හමුදා කටුනායක කඳවුරේ සැපයුම් සහ නඩත්තු ඩිපෝවේ කාන්තා අංශයේ කණ්ඩායම් ශූරතාව දිනාගත් අතර ගුවන් හමුදා චීන වරාය විද්‍යාපීටය අනුශූරතාව හිමිකර ගන්නා ලදී.

සෞඛ්‍ය සේවා අධ්‍යක්ෂ සහ ගුවන් හමුදා ක්‍රීඩා කවුන්සිලයේ උපදේශක කමිටු සාමාජික එයාර් වයිස් මාර්ෂල්  ලලිත් ජයවීර මහතා ප්‍රධාන ආරාධිත අමුත්තා ලෙස මෙම අවස්ථාවට සහභාගී විය. ගුවන් හමුදා පාපැදි සම්මේලනයේ සභාපති එයාර් වයිස් මාර්ෂල් ලසිත සුමනවීර, ගුවන් හමුදා ක්‍රීඩා අධ්‍යක්ෂ එයාර් කොමදෝරු එස් එන් ප්‍රනාන්දුපුල්ලේ මහතා සහ ගුවන් හමුදා ක්‍රීඩා කවුන්සිලයේ සාමාජිකයින් ද මෙම අවස්ථාවට එක්ව සිටියහ.

තරගාවලියේ කැපී පෙනෙන තනි පුද්ගල දස්කම් පහතින් දැක්වේ.

තනි පුද්ගල කාල ගණනය
පළමු ස්ථානය (පිරිමි) - කෝප්‍රල් බණ්ඩාර පී.ඩී.එන් (තාක්ෂණික සැකසුම ගුවන් හමුදා කටුනායක කඳවුර)
පළමු ස්ථානය (කාන්තා) - නායක ගුවන් කාන්තා පෙරේරා කේ.බි.එන්.පී  (ගුවන් හමුදා කඳවුර  කොළඹ)

තනි පුද්ගල වර්ගීකරණය - විවෘත්‍ර තරඟය (පිරිමි)

1 වන ස්ථානය -  නායක ගුවන් භට බණ්ඩාර කේ.ජි.ඩි.පි  (සැපයුම් සහ නඩත්තු ඩිපෝව ගුවන් හමුදා කටුනායක කඳවුර)
2 වන ස්ථානය - නායක ගුවන් භට අමරතුංග එම්.පි.ඩි.අයි (ගුවන් හමුදා චීන වරාය විද්‍යාපීටය)
3 වන ස්ථානය - ප්‍රදීප් කුමාර එස්.ඒ (ගුවන් හමුදා කටුනායක කඳවුර)

තනි පුද්ගල වර්ගීකරණය - විවෘත්‍ර තරඟය (කාන්තා)

1 වන ස්ථානය - නායක ගුවන් කාන්තා පෙරේරා කේ.බි.එන්.පි  (ගුවන් හමුදා කඳවුර  කොළඹ)
2 වන ස්ථානය - නායක  ගුවන්  කාන්තා ප්‍රබෝදනී  යුගආර්ගඩි (සැපයුම් සහ නඩත්තු ඩිපෝව ගුවන් හමුදා කටුනායක කඳවුර)
3 වන ස්ථානය - නායක  ගුවන් කාන්තා කොස්තා ඩිගඅයිගඑන් (ශ්‍රී ලංකා ගුවන් හමුදා අනුරාධපුර කඳවුර)