ශ්‍රී ලංකා ගුවන් හමුදා හිඟුරක්ගොඩ කඳවුරේ අංක 07 හෙලිකොප්ටර් බලඝණයේ නව අණදෙන නිළධාරී තනතුර භාරදීමේ සහ භාරගැනීමේ සම්ප්‍රදායික පෙළපාළිය 2023 ජනවාරි 06 වන දින අංක 07 බලඝණ පරිශ්‍රයේ දී පැවැත්විණි.නික්ම යන අණදෙන නිලධාරී ගෲප් කැප්ටන් එස්ආර් ජයරත්න විසින් විංග් කමාන්ඩර් වී.ආර්.එස්. විදානපතිරණ  වෙත නව තනතුර භාර දෙන ලදී.

නික්ම යන අණදෙන නිළධාරී ගෲප් කැප්ටන් එස්ආර් ජයරත්න 2021 ඔක්තොම්බර් 15 වන දින අංක 07 හෙලිකොප්ටර් බලඝණයේ අණදෙන නිලධාරියා ලෙස වැඩ භාරගත් අතර මීරිගම ගුවන් හමුදා කඳවුරේ අණදෙන නිළධාරියා ලෙස තනතුර භාරගැනීමට නියමිතව ඇත.නව අණදෙන නිලධාරී විංග් කමාන්ඩර් වී.ආර්.එස්. විදානපතිරණ අංක 07 හෙලිකොප්ටර් බලඝණයේ අණදෙන නිලධාරියා ලෙස පත්වීමට පෙර සපුගස්කන්ද ආරක්ෂක සේවා අණ හා මාණ්ඩලික විද්‍යාලයේ සේවය කරන ලදී.