වීරවිල ගුවන් හමුදා කඳවුරේ අංක 03 ගුවන් ආරක්ෂක රේඩාර් බලඝනය සිය 16 වන සංවත්සරය 2023 පෙබරවාරි 01 වන දින උත්කර්ෂවත් ලෙස සමරන ලදී. චාරිත්‍රානුකූල වැඩ පෙළපාලියකින් අනතුරුව සුහද ක්‍රිකට් තරඟාවලියකින් සැමරුම ආරම්භ විය. මෙම උත්සවයට සමගාමීව මොණරාගල දිස්ත්‍රික් මහ රෝහලේ ප්‍රධානත්වයෙන් ලේ දන්දීමේ ව්‍යාපාරයක් ඇතුළු ප්‍රජා සේවා ව්‍යාපෘති මාලාවක් පවත්වන ලදී.

අංක 03 ගුවන් ආරක්ෂක රේඩාර් බලඝණය 2007 ජනවාරි 31 වන දින ජාතික ගුවන් ආරක්ෂක පද්ධතියට ඇතුළත් කරන ලදි. මෙම බලඝණය 2007 පෙබරවාරි 01 වන දින ගුවන් හමුදා චීන වරාය කඳවුරේදී නිල වශයෙන් ආරම්භ කරන ලදී. 2012 මැයි 07 වැනි දින චීනයේ නිෂ්පාදිත ‍C-18 රේඩාර් පද්ධතිය හඳුන්වාදීම සමග වීරවිල ගුවන් හමුදා කඳවුරට නැවත මාරු කරන ලදී. මෙම රේඩාර් බලඝණය අණදෙන නිලධාරීන් නව දෙනෙකු විසින් අණදෙන නිළධාරී තනතුර දැරූ අතර වර්තමානයේ විංග් කමාන්ඩර් ක්‍රිෂාන් ගුණරත්න විසින් අණදෙන නිළධාරී තනතුර දරනු ලබයි.