12 වන ආරක්ෂක සේවා මෝටර් රථ ධාවන තරඟාවලිය 2023 මාර්තු 17 වන දින වැලිසර ශ්‍රී ලංකා නාවික හමුදාවේ මෝටර් රථ ධාවන පථයේදී පැවැත්විණි. අවසන් මහා තරගය සහ ත්‍යාග ප්‍රදානෝත්සවය එම ස්ථානයේදීම පවත්වන ලද අතර ප්‍රධාන ආරාධිත අමුත්තා ලෙස ගොඩබිම් මෙහෙයුම් අධ්‍යක්ෂක එයාර් වයිස් මාර්ෂල් වරුණ ගුණවර්ධන මැතිතුමන් සහභාගි විය.

ශූරතාවලිය ඉසව් පහකින් සමන්විත වූ අතර ත්‍රිවිධ හමුදාව නියෝජනය කරමින් ක්‍රීඩකයින් 18 දෙනෙකු ඊට සහභාගී විය.

ගුවන් හමුදා මෝටර් රථ ධාවන කණ්ඩායම ඉසව් පහකින් ලකුණු 126 ක් රැස්කරමින් එම ඉසව්වේ අනුශූරතාව හිමිකර ගැනීමට සමත්විය. ස්ටෑන්ඩර්ඩ් මොඩිෆයිඩ් 250සීසී ඉසව්වේ ලෝකඩ පදක්කම දිනා ගැනීමට සැරයන් ජයම්පති දිසානායක සමත් විය.

මෙම අවස්ථාවට ගුවන් හමුදා මෝටර් රථ ධාවන සම්මේලනයේ සභාපති එයාර් වයිස් මාර්ෂල් නිහාල් ජයසිංහ සහ ත්‍රිවිධ හමුදාවේ ජ්‍යෙෂ්ඨ නිලධාරීන් පිරිසක් සහභාගී විය.