මධ්‍යම පියාසර පාසලේ අණදෙන නිලධාරී ගෲප් කැප්ටන් ටීඑම් ජෝර්ඩන් මහතා ප්‍රමුඛ රාජකීය ගුවන් හමුදාවේ නියෝජිත පිරිසක් 2023 මාර්තු 21 වන දින සිට මාර්තු 23 වන දින දක්වා ශ්‍රී ලංකා ගුවන් හමුදාවේ තෙදින සංචාරයක නිරත විය. මෙම සංචාරයේ කොටසක් ලෙස දැනුම හුවමාරු කර ගැනිමේ අරමුණින් ගුවන් හමුදා රත්මලාන කඳවුරේ සහ ගුවන් හමුදා කටුනායක කඳවුරු වලදී වැඩසටහන් පවත්වන ලදී මෙහි සමාරම්භක සැසිවාරය සඳහා ගුවන් මෙහෙයුම් අධ්‍යක්ෂ එයාර් වයිස් මාර්ෂල් සම්පත් වික්‍රමරත්න නිළධාරීතුමන් සහභාගී විය.

දූත පිරිස 2023 මාර්තු 23 වන දින ගුවන් හමුදා මූලස්ථානයේදී ගුවන් හමුදාධිපති එයාර් මාර්ෂල් සුදර්ශන පතිරණ මහතා හමුවු විය.මෙම හමුවේදී අන්‍යෝන්‍ය වශයෙන් වැදගත් වන කරුණු සම්බන්ධයෙන් සුහද කතාබහක නිරත වූ අතර, එම අවස්ථාව සනිටුහන් කරමින් සමරු තිළිණ හුවමාරුවක් ද මෙහිදී සිදු කරන ලදී.