ගුවන් හමුදාධිපති එයාර් මාර්ෂල් සුදර්ශන පතිරණ මැතිතුමන්ගේ මගපෙන්වීමකට අනුව ශ්‍රී ලංකා ගුවන් හමුදාවේ කාන්තා පක්ෂාංගයේ අණදෙන නිළධාරිතුමන්ගේ අධීක්ෂණය යටතේ  2023 මාර්තු 24 වන දින ගල්කිස්ස වෙරළ තීරයේ වෙරළ පිරිසිදු කිරීමේ වැඩසටහනක් පවත්වන ලදී.මෙම වැඩසටහන සදහා නියෝජ්‍ය පරිපාලන අධ්‍යක්ෂ, එයාර් කොමඩෝර් මනෝජ් කැප්පෙටිපොල නිළධාරීතුමන් සහභාගි විය.වෙරළ තීරයේ ස්වභාවික සෞන්දර්යය සහ පිරිසිදුකම පවත්වා ගැනීම මෙම වැඩසටහනේ මූලික අරමුණ විය.

අර්ධ දින වෙරළ පිරිසිදු කිරීමේ වැඩසටහන ගල්කිස්ස වෙරළ තීරයෙන් ආරම්භ කර  දෙහිවල වෙරළ තීරය දක්වා  සිදු කරන ලදි. මෙම අවස්ථාවට "වන අරණ", "ලස්සන වෙරළ" සහ "පෙප්සි" ඇතුළු ප්‍රසිද්ධ පාරිසරික ප්‍රජාවන් විසින් අනුග්‍රහය දක්වන ලදී.