ඒකල ගුවන් හමුදා වෘත්තිය පුහුණු පාසලේ අංක 2 තොරතුරු තාක්ෂණ පක්ෂාංගය සිය 4 වන සංවත්සරය 2023 මැයි 17 වන දින අභිමානවත් ලෙස සමරන ලදී. චාරිත්‍රානුකූල වැඩ පෙළපාලියකින් සැමරුම ආරම්භ වූ අතර අණදෙන නිලධාරී, විංග් කමාන්ඩර් ජී.ඩී.අයි.සංජීව නිළධාරිතුමන් විසින් සමාලෝචනය කරන ලදී.

සංවත්සර උත්සවයට සමගාමීව ජාඇල ශ්‍රී වාලුකාරාමය බෞද්ධ විහාරස්ථානයේ දී තොරතුරු තාක්ෂණ පක්ෂාංගයේ නිලධාරීන්ගේ සෙසු නිළයින්ගේ සහභාගීත්වයෙන් ශ්‍රමදාන ව්‍යාපාරයක් ද සංවිධානය කරන ලද අතර ලේ දන්දීමේ වැඩසටහනක්ද පවත්වන ලදී. පක්ෂාංගයේ සියලුම සාමාජිකයන් අතර කණ්ඩායම් හැඟීම සහ සහෝදරත්වය පවත්වා ගැනීම සඳහා සුහද ක්‍රිකට් තරඟාවලියකින් සැමරුම අවසන් විය.

ඉලෙක්ට්‍රොනික හා තොරතුරු තාක්‍ෂණ ඉංජිනේරු අධ්‍යක්ෂ ජනරාල් එයාර් කොමදෝරු පී.එන්. ප්‍රනාන්දු සහ ඒකල ගුවන් හමුදා වෘත්තිය පුහුණු පාසලේ අණදෙන නිලධාරී එයාර් කොමදෝරු එස්.පී.එස්. මාර්ටිනෝ නිළධාරිතුමන් මෙම අවස්ථාවට සහභාගී විය.