ගුවන් හමුදාව මහරගම අපේක්ෂා රෝහලට විශේෂ පරිත්‍යාගයක් කරයි
9:11am on Wednesday 7th June 2023
පොසොන් පොහොය දිනයට සමගාමීව ශ්‍රී ලංකා ගුවන් හමුදාව විසින් මහරගම 'අපේක්‍ෂා රෝහල' වෙත රුපියල් ලක්ෂ 15ක් වටිනා විශේෂ පරිත්‍යාගයක් 2023 ජුනි 03 වන දින සිදු කරන ලදී. ගුවන් හමුදාධිපති එයාර් මාර්ෂල් සුදර්ශන පතිරණ සහ ගුවන් හමුදා සේවා වනිතා ඒකකයේ සභාපතිනී චාමිණි පතිරණ මහත්මියගේ මගපෙන්වීම යටතේ සංවිධානය කරන ලද මෙම පරිත්‍යාගය පිළිකා රෝගයෙන් පෙළෙන දරුවන්ට නියමිත වේලාවට, සුදුසු සහ ප්‍රශස්ත ප්‍රතිකාර ලබා දීම සඳහා රෝහලට සහාය වීම අරමුණු කර ගෙන ඇත.

මෙම අවස්ථාවට ගුවන් හමුදා සේවා වනිතා ඒකකයේ සභාපතිනී චාමිණි පතිරණ මහත්මිය සහභාගී වූ අතර ඇය විසින් එම පරිත්‍යාගය අපේක්ෂා රෝහලේ නියෝජ්‍ය අධ්‍යක්ෂ වෛද්‍ය ලලිත් කෝදාගොඩ මහතා වෙත භාර දෙන ලදී. මෙම අවස්ථාව සඳහා මාණ්ඩලික ප්‍රධානී, නියෝජ්‍ය මාණ්ඩලික ප්‍රධානී, ගුවන් හමුදා කළමනාකරණ මණ්ඩලයේ සාමාජිකයින්, නිලධාරීන් සහ සෙසු නිළයින් පිරිසක් සහභාගී විය. සෞඛ්‍ය සේවා අධ්‍යක්ෂ ජනරාල් එයාර් වයිස් මාර්ෂල් (වෛද්‍ය) ලලිත් ජයවීර සහ අධ්‍යක්ෂ ජනරාල් සුබසාධන  එයාර් වයිස් මාර්ෂල් සුහර්ෂි ප්‍රනාන්දු යන නිළධාරීන්ගේ අධීක්‍ෂණය යටතේ මෙම උත්සවය පැවැත්විණි.
 
airforce_logo
ශ්‍රී ලංකා ගුවන් හමුදාව
ගුවනේ ආරක්‍ෂකයෝ
National Defence College
© 2024 ශ්‍රී ලංකා ගුවන් හමුදා තොරතුරු තාක්ෂණ අධ්‍යක්ෂකය . සියලුම හිමිකම් ඇවිරිණි