වවුනියාව ගුවන් හමුදා කඳවුරු අණදෙන නිළධාරී ගෲප් කැප්ටන් පීඑන් ගුණතිලක මහතාගේ ප්‍රධානත්වයෙන් කඳවුරු භට පිරිස් විසින් කලක සිට අපේක්ෂාවෙන් සිටි ව්‍යාපෘතියක් වන අභිනවයෙන් ඉදිකරන ලද පෙළපාළි චතුරශ්‍රය  2023 ජූනි 08 වන දින විවෘත කරන ලදී. මෙම නව පෙළපාළි චතුරශ්‍රය සේවා පුද්ගලයින් අතර විනය, ගෞරවය, අඛණ්ඩතාව, ඉගෙනීම සහ නායකත්වය නංවාලීම සඳහා දායක වේ.

කඳවුරේ ප්‍රධාන දොරටුවේ ස්ථානගත කර ඇති ආකර්ශනීය ගුවන් රණශූරයන්ගේ ස්මාරකය සහ ස්ථානගතකර ඇති කර ඇති පෞරාණික FT-5 ප්‍රහාරක ගුවන් යානය විවෘත කිරීම මෙම අවස්ථාවෙහි කැපී පෙනෙන විශේෂත්වයක් විය. ශ්‍රී ලංකා ගුවන් හමුදාවේ සේවය කළ සහ අඛණ්ඩව සේවය කරන විශිෂ්ඨ පුද්ගලයින් සඳහා ගෞරවයේ සහ පිළිගැනීමේ සංකේතයක් ලෙස මෙම ස්මාරකය අලංකාර ලෙස ඉදිකරන ලදී.

මෙම අවස්ථාව සඳහා කඳවුරේ සියලුම නිලධාරීන් සහ සෙසු නිලයින් සහ සිවිල් කාර්ය මන්ඩලය සහභාගී විය.