ගුවන් හමුදාධිපති කුසලාන අන්තර් කදවුරු  සැහැල්ලු  පන්දු ක්‍රිකට් තරඟාවලිය - 2023 ඊයේ දින (2023 ජුනි 27) කටුනායක ගුවන් හමුදා කඳවුරු ක්‍රීඩාංගනයේදී අවසන් විය. මෙම තරඟාවලිය 2023 ජුනි 20 සිට 2023 ජූනි 27 දක්වා සියලුම ගුවන් හමුදා ආයතනවල සහභාගීත්වයෙන් ඉතා උද්යෝගයෙන් සහ කණ්ඩායම් හැඟීමෙන් පවත්වන ලදී. මෙම තරගාවලිය ශ්‍රී ලංකා ක්‍රිකට් නීතිරීතිවලට අනුව සංවිධානය කර තිබුණි. සෑම කණ්ඩායමක්ම ඔවුන්ගේ අදාළ ගුවන් විධානයේ විශේෂිත ආයතනවල නිලධාරියෙකු සහ ගුවන් භටයන්ගෙන් සමන්විත විය.

 අවසන් මහා තරගයේදී ශ්‍රී ලංකා ගුවන් හමුදා චීන වරාය විද්‍යාපීඨ කණ්ඩායම සිය  පන්දුවාර 10 තුළදී කඩුලු 05ක් දැවී ලකුණු 98 ක් ලබා ගත් අතර  පිළිතුරු ලෙස කටුනායක ගුවන් හමුදා මූලික කදවුරු කණ්ඩායම පන්දුවාර 09 යි පන්දු 05කදී සහ කඩුලු 09ක් දැවි ලකුණු 99ක් රැස් කරමින් ජයග්‍රහණය කරන ලදි.

ගුවන් හමුදාධිපති එයාර් මාර්ෂල් සුදර්ශන පතිරණ මහතා ප්‍රධාන ආරාධිත අමුත්තා ලෙස මෙම අවස්ථාවට සහභාගී විය. මෙම අවස්ථාවට ගුවන් හමුදා මාණ්ඩලික ප්‍රධානී එයාර් වයිස් මාර්ෂල් උදේනි රාජපක්ෂ, හා නියෝජ්‍ය මාණ්ඩලික ප්‍රධානී එයාර් වයිස් මාර්ෂල් රොෂාන් බියන්විල ඇතුලු ගුවන් හමුදා අධ්‍යක්ෂ මණ්ඩලයේ සාමාජිකයින්, ගුවන් හමුදා අනෙකුත් අධ්‍යක්ෂවරුන්, අණදෙන නිළධාරීන් ඇතුලු පිරිසක් සහභාගී විය.