ගුවන්හමුදාපති බස්නාහිර පළාත් ආණ්ඩුකාර මාර්ෂල් ඔෆ් ද එයාර් ෆෝස් රොෂාන් ගුණතිලක මහතා හමුවෙයි
5:47pm on Saturday 1st July 2023
නික්ම යන ගුවන් හමුදාධිපති එයාර් මාර්ෂල් සුදර්ශන පතිරණ මහතා අද (2023 ජූනි 28) ආණ්ඩුකාර කාර්යාලයේදී බස්නාහිර පළාත් ආණ්ඩුකාර මාර්ෂල් ඔෆ් ද එයාර් ෆෝස් රොෂාන් ගුණතිලක මහතා හමුවී සමුගන්නා ලදී.
කෙටි සාකච්ඡාවකින් අනතුරුව එයාර් මාර්ෂල් පතිරණ මහතා තම ධුර කාලය තුළ ලබාදුන් මගපෙන්වීම සහ සහයෝගය පිළිබඳව සිය කෘතඥතාව පළ කළ අතර එම අවස්ථාව සනිටුහන් කරමින් බස්නාහිර පළාත් ආණ්ඩුකාරවරයා වෙත සමරු තිළිණයක් ද පිළිගැන්වීය. නික්ම යන ගුවන් හමුදාපතිතුමන්ට සුබ පැතුම් එක් කළ ආණ්ඩුකාරවරයා, ඉදිරි සියලු කටයුතු සාර්ථක වේවායි ප්‍රාර්ථනා කළේය.
