ගුවන් හමුදාධිපතිතුමන් ජාතික ආරක්ෂාව පිළිබද ජනාධිපති උපදේශකතුමන් හමුවෙයි
12:58pm on Sunday 2nd July 2023
නික්ම යන ගුවන් හමුදාපති එයාර් මාර්ෂල් සුදර්ශන පතිරණ මහතා ජාතික ආරක්ෂාව පිළිබද ජනාධිපති උපදේශක ගරු. සාගල රත්නායක මහතා ඊයේ (2023 ජූනි 28) එම කාර්යාලයේදී හමුවිය.
කෙටි සාකච්ඡාවකින් අනතුරුව එයාර් මාර්ෂල් සුදර්ශන පතිරණ මහතා තම ධූර කාලය තුළ ලබාදුන් මගපෙන්වීම සහ සහයෝගය වෙනුවෙන් සිය කෘතඥතාව පළ කළ අතර එම අවස්ථාව සනිටුහන් කරමින් ජාතික ආරක්ෂක උපදේශක වෙත සමරු තිළිණයක් ද පිරිනැමීය. ජාතික ආරක්ෂක උපදේශකවරයා නික්ම යන ගුවන් හමුදාපතිතුමන්ට සුබ පැතුම් එක් කළ අතර ඉදිරි සියලු කටයුතු සාර්ථක වේවායි ප්‍රාර්ථනා කළේය.
